Merivên xerab bûne bela serê însanîyetê

Merivên xerab, zalim, xedar bûne bela serê însên; dîktatorek kana bibe sebebê felekatên, malwêraniyên pir mezin.

Dostoyevskî gotiye, ”Di bin vî asîmanê hewqasî xweşik da, hewqas însanên xerab çawa kanîbûn bijîn ?”

Bi rastî ne mimkûn e meriv vê pirsê ji xwe neke, di bin vî asîmanê muhteşem da çima hewqas merivên, serokên dewletan ên xerab û xedar hene, tu carî ji kuştinê, ji xwînê, ji wêrankirina bajaran têr nabin.

Rûsyayê dîsa bi dron û fuzeyên Krûz êrîşî Ûkranyayê kiriye, gelek juştî û birîndar hene.
Zalimek, sadîstek kane xeberabiyên pir mezin bike, bi milyonan însanan bide kuştin, bajaran wêran bike.

XXX

Platforma X´ê bi bîra min xistiye, gotiye 14 sal berê, îro tu tevî karwanê X´ê bû, dibê tu 14 saliya xwe ya bi me ra pîroz bikî. Facebook rojên wiha tîne bîra meriv, cara pêşî ye dibînim X´ê jî tiştekî wiha dike.

Min nizanîbû 14 sal in X´ê di vê platformê da viz dibim, dinivîsînim. 14 sal ne hindik e. Min ji sifirê dest pê kir, nuha 15.245 şopînerên min hene. Jimareke ne pir e, lê ne hidik e jî.

Di van 14 salên buhurî da heta ji min hat, min îstîkrarek nîşan da, her roj nivîsî.

Gelek sipas ji bo X´ê ji bo ku 14 saliya min a di vê platformê da anîye bîra min

XXX

-Jiyan hunerekî balansê, hevsengiyê ye. Yê hişk be dişkê, yê nerm be xwar dibe; hêza esasî yê kanibe di bahozê da vezele/xwar bibe, lê belê bibe wek bamboya koka xwe bernade.

Leo Tzu

XXX

-Her hezkirina li derî azadiya însên xwe sipartibe çi jî, bi rehetî kane vegere nefretê.

Yên ji alî aqil va îdare dibin,-yanî kesên di rêberiya aqil da li berjewendiyên xwe digerin- ji bo xwe jî, ji bo hemû însanîyetê jî tu tiştê xerab naxwazin, ji ber wê jî merivên adil, sadiq û bi şeref in.

Serbilindiya herî mezin û nezanîna herî mezin a meriv a li ser xwe ye, xwe baş nas nake.

///Spînoza