Merivê baş û xeraban çawa ji hev bigerîne?

Merivê baş û xeraban, kesên pîs û pak çawa nas bike, çawa ji hev bigerîne?
Naskirina însên pir zor e, karekî ne hêsa ye; carnan meriv di hilbijartina xwe da bi îsabet e, carnan jî ji kok da şaş e.
Gelek kesên ji dûr va pir muhîm xuya dikin gava meriv wan hinekî ji nêzîk va nas dike, meriv xeyalşikestî dibe, meriv dibîne ne tu meriv bûne,  dibêje xwezî min nas nekira.

Lê hezkirina ji merivê ne layiqî hezkirinê jî şaş e, meriv nas bike baştir e.
Li alî din dibê meriv viya jî ji bîr neke, belkî ew kes jî di heqê meriv da eynî tiştî difikirin, ew jî meriv ne layiqî hezkirinê dibînin.

Yanî başî û xerabî hinekî îzafî ye, li gorî însanan diguhere, ji bo min yekî xerab, ji bo yekî din kane yekî baş be, ev yek girêdayî qerekter û exlaqê meriv e.

XXX

Hûn kevirekî hezar carî jî bavêjin hewa hûn nikanin wî fêrî firînê bikin. Enerjîya xwe ji bona tiştên baş xerc bikin. Wexta xwe bidin merivên baş, dirist. Ji kevir çivîk, ji çivîkê jî kevir çênabe.

XXX

-Tu nikanî li hemû tirênan siwar bî. Tu yekê hildibijêrî, dev ji yên din berdidî.

Meriv fikrekê, siyasetekê, karekî, mijûliyekê, felsefeyeke jiyanê ji xwe ra hildibijêre. Gava dev ji wê berde jî dîsa yekê hildibijêre û dev ji yên din berdide.

XXX

Xwezî însan bi qasî ku mirîyê xweşikiyê ne, hewqasî jî mirîyê diristîyê bûna.

Konfuçyus

-Heger ji însanekî her kes nefret dike li ortê sebebekî dibê meriv li ser bisekine heye. Heger ji însanekî her kes hez dike rewş hîn bi şiktir e

///Konfuçyus

Serîyê her kes jê hez bike ne tu serî ye.