Ez îro ji hal da ketime. Lawikê me Rojen îro ez û xanim birin daristaneka Hanîngeyê topkirina tirîreşkan. Bi swêdî jê ra dibêjin ”blåbär”. Bi îngilîzê jî dibêjin, ” blueberry”.
Li Kurdistanê heye, tune ye ez nizanim. Heger hebe bi kurmancî jê ra dibêjin çi
ez wê jî nizanim.
Ez Qerejdaxî me, lê li bajêr mezin bûme. Lema nizanim li Qerejdaxê hene ya tune
ne. Li daristanan çêdibin.
Li Qerejdaxê berê, di wextaa min da givîj, bihîv û kereng hebûn. Dibe ku hin
mêweyên wiha jî hebin.
Wek tirîyê reş ê hebhûr e. Li daristanên Swêd pir in, pir jî
bi qîmet in.
Meha berê wexta wan bû, nuha hinekî dereng e, xelkê top
kiriye. Lê dîsa jî me li dora 2 kîloyan top kir. Me paqij kir. Sibehan emê
têxin mst, pê xurîniya xwe bikin.
Lê em pir westiyan. Daristan asê bû, meş pir zor bû. Em du seet û nîvê, tam
10.15 km meşiyan. Heta me xwe gîhand malê em ji hal da ketin. Lê antramaneke
baş bû. Emê çend rojan bixun, pê kêf bikin.
Inga kommentarer:
Skicka en kommentar