Xwe tevî şerê dê û dotê mekin !

Ji xeman xew tê, ji kerban ken tê. Yê min jî bûye ew mesele. Ne mimkûn e meriv bi halê hin kurdên me nekene.
Gava ez dibînim hin siyasetmedarên me li ser şerê di nava CHPê da xwe gelkî diwestînin kenê min tê.
Bi ya min dibê kurd ne xwe tevî şerê wan bikin, ne jî wexta bide nivîsên, vîdeoyên li ser wan. Şerê dê û dotê ye, xwe tevê mekin, ew ên hev in. Îro şer dikin, sibe ewê li hev werin. Hûnê bibin yên xerab, herdu ewê dijminatiya we bikin.

Partiyên tirkan kîjan bask dibe ferq nake, gişk neyarên me ne, guh nedin demagojiyên wan ên mzlûmiyê. Tu kes ji we mezlûmtir tune. Partiyên we jî hatin girtin, hevalên we jî hatin zindankirin. Ma ji wan yek li dijî dewleta xwe rabû?

XXX

Ji kereng ra gotin:
-Cî û meskenê te li ku ye?
Kereng got:
-Ba zane.
Cî û meskenê hin kesan jî li gorî berjewendiyê ye. Kara wan li ku be ew jî li wir in.
Kurd in, xwedêgiravî partiya wan a kurda ye, lê hevalên dewletê û hukûmetê ne, dildarên Erdogan in. Mesele berjewendî ye.

XXX

Cejna we ya Qurbanê pîroz be!

Li Kurdistana Bakur îro roja pêşî ya Cejna Qurbanê ye. Li beşên din ê Kurdistanê jî îro ye ya sibe ye nizanim.
Cejna hemû kurdan pîroz be !
Kurd di vê Cejnê da jî di nava şer û teşxeleyên mezin da ne. Hêvî dikim çêbe.
Cejna xwe ne bi tirkî, bi kurdî pîroz bikin!
Partî, siyasetmedar, serok gerek pîrozbahiyên xwe ne bi tirkî, bi kurdî parve bikin. Dibê bibin pêşengên milet.

XXX

Swêd dixwaze zewaca xizmên hev, merivên hev(zarokên ap, met û xaltiyan)qedexe bike. Misilman, bi taybetî jî somalî, ereb, afrîqî ji vê biryarra hukûmetê pir hêrs bûne.

Hinekan gotine heger wiha be emê Swêd biterikînin.

Somalî, ereb dibêjin zewaca bi merivên xwe ra beşekî kultura me ye. Qedexekirna wê îslamîfobî ye. Wê demê emê ji Swêd herin.

Wele heger hûn Swêd biterikînin Swêd ewê bat bibe, swêdî ewê bigrîn, ewê porê xwe birûçikînin.

Kurro swêdî jî jixwe li tiştekî wiha digerin, dixwazin rojekê berî rojekê ji we xelas bibin. We Swêd kiriye welatê çeteyan. We Swêd kiriye wek Somalî, welatekî Afrîka. 
Lê vir e, hukûmet çi li we qedexe bike jî hûn Swêd naterikînin. Gefa we vir e.