Gelo hûn li Tirkiyê û li Kurdistanê kanin têkevin bloga min Hindik Rindik?

Şopînerekî bloga min Hindik-Rindik gotiye ew ji Tirkiyê nikane têkeve bloga min, bloga min li Tirkiyê xuya nake.

Wiha gotiye:

"Slav mamoste, ez gelek caran nivîsên te li ser medyaya civakî dixwînim û bi rastî ji wan hez dikim.

Lê li ser blogê ez nikarim bigihîjim nivîsên te (dibe ku ji ber qedexeyên dewletê be).

Îro min hewl da ku bigihîjim blogê, lê min nikanîbû. Ez bi VPN li ser Elmanya'ye kêt blogê..

Gelo bloga te li Tirkiyeyê hatîye qedexekirin, an jî ev pirsgirêk ji hêla interneta min ve ye?"

Min mesele ji AI pirsî, got rast e, bloga te li Tirkiyê hatiye astengkirin, nayê dîtin. Xwendevan ancax "kanin bi riya VPN (wek Opera Browser an ProtonVPN) xwe bigihînin blogê."

Rica min ji hevalên li Tirkiyê û li Kurdistanê ev e: Hûn kanin têkevin bloga min ya na?

Ez lînka wê parve dikim. Xêra xwe min agahdar bikin. Hûn li Tirkiyê û Kurdistanê kanin têkevin bloga min ya na?

 XXX

Abdulselam Akincî karekî pir baş kiriye, camêrekî hêja, xebateke bêemsal bi me daye naskirin.

Gerek ev arîşa pir muhîm wenda nebe, dibê li derekê, li kitêbxaneyekê were parastin. Ji bo muzîka kurdî, zimanê kurdî Xezîneye mezin e.

 XXX

Ji avê ra gotin:

-Avê, çima deng ji te tê?

Avê got:

-Hevalên min kevir in, lema.

Carnan bêhemdî baqîn ji min tê, gilî û gazinan, carnan jî derzî û şûjinê di kurdan û serokan ra dikim.

Dibêjin, çima tu rehet nasekine?

Ma ezê çawa nekim gazî û hawar, heta halê me ev perîşanî be... XXX

Hûn çi bikin jî dêla(teriyê)kûçik qalib nagire.Yên carê bûne zilamên dewletê û neyarên kurdan êdî baş nabin, dev ji xiyaneta xwe bernadin.

Di meclîsa tirkan kurdên bûne hevalên dewletê û AKPê ji tirkan bêtir li dijî azadîya miletê xwe ne, ji tirkan bêtir êrîşî kurdan dikin.