Tirkiye bi hemû dem û dezgehên xwe bûye dewleteke antî kurd !

Li Tikriyê, li bajarê Îzmîrê keçeke kurd a 16 salî bi navê A.K  ji bo ku guliyê xwe hûnaye û vîdeoya hûnana gulîyê xwe/kezîyê xwe di medyaya sosyal da parve kiriye hatiye girtin.

Dadgehê zaroka 16 salî, ji ber ku vîdeoya hûnana gulîyê xwe, kezîyê xwe di medyaya sosyal da parve kiriye keçik sûcadar dîtiye û tewqîf kiriye.

Li gorî mahkima tirk û edeleta tirkan ereb keçên kurd bikujin, guliyên wan jêkin jî dibê kurd wahşeta wan protesto nekin, heger bikin sûc e, piştgiriya terorîzmê ye.

Dadgeha 2´yemîn a Cezayê Giran a Zarokan a Îzmîrê qebûl nake keçeke kurd a 16 salî li dijî qetlê derkeve, perçekirina bedena keçek kurd, reqlama guliyê wê yê jêkirî ji alî qatilê wê va protesto bike.

Tirkiye di her warî da bûye dewleteke, welatekî irqçî,  antî-kurd. Protestoyeke kurdan ya herî normal, herî masûmane, herî demokratîk jî sûc tê dîtin. Nahêlin kurd şîna xwe eşkere bikin.

Ji roja Tirkiye ava bûye antî-kurd e,di tu warî da azadîya kurda tuneye. Lê di van 24 salên AKP, Recep Tayyip Erdogan li ser hukim e, Tirkiye zêde zêde bû welatekî, dewleteke, rejîmeke antî-kurd.

Dadgeheke engîzîsyonê ya serdema navîn ancax keçeke 16 salî ji ber ku guliyê xwe hûnaye û vîdeoya wê parvekiriye bigire û zindan bike.

XXX

Rêberê Şîeyên Îraqê yê herî mezin Elî Sîstanîyê 95 salî li ser bernameyên înternetê fetwayeke nuh daye.

Elî Sîstanî, di fetwa xwe da di înternetê da hevaltiya jin û mêran, bi hev ra axaftina wan li gorî şerîeta îslamê heram kiriye.

Gava kalekî 95 salî li welatekî rêberê miletekî be, li ser teknîka dijîjîtal, li ser jiyana însanan ”FETWAYÊ bide, aqilê wî miletî bi qasî aqilê mirîşkekê jî tune ye; miletekî pir paşdamayî û ji pêşketinên nuh, ji medenîyetê bêpar maye.

Îran jî ji Îraqê ne kêmtir e.

Li Îranê jî Ayatullah Elî Xameynîyê 86 salî serokê Îranê ye, dewlet, bi milyonan însan guh didin fetwayên wî.

Di vê serdemê da serokatiya kesên wiha neheqiyeke, zulmeke mezin li miletan.