Erdogan jî gotiye, ya kurdên Kurdistana Rojava ewê teslîm bibin ya jî emê êrîş bikin

Serokê Tirkiyê Recep Tayyip Erdogan dîsa gefa êrîşê û dagirkirina Kurdistana Roava li kurdan xwariye, gotiye:

”Em îro jî li dijî perçebûna Sûriyê ne. Ji bo ku em rê li ber rêxistina terorîst bigirin me hemû kanalên dîplomasîyê xistiye dewreyê. Heger teşebusên me yên dîplomatîk bêbersîv bimînin siyaseta Tirkiyê diyar e. Tirkiye ewê destûrê nede li Sûriyê dejavuyek çêbibe."

Yanî tiştê li Îraqê çêbû ewê nehêlin Sûriyê jî çêbibe, ewê nehêlin wek Kurdistana Başûr li Sûriyê jî kurd azad bibin.

Hebûna Kurdistana Federe bûye kula, mereza ser dilê wan, bûye qilçixê di çavên wan da.
Heger Donald Trump destûr dabe ewê bi çeteyên xwe yên ereb ra êrîşî Kurdistana Rojava bikin.
Kurdên hîn bi vê hukûmetê ra ne tu ferqa wan ji Erdogan, Hakan Fîdan û Bahçelî tune ye, çimkî li dijî sîyaseta wan a antî-kurd dernayên.

XXX

Federasyona Futbolê ya Tirkiyeyê (TFF) ji ber silogana bi kurdî(koma me bona we) li ser formayên Amedsporê careke din 110 hezar ceza dabû Amedsporê.

Piştî gelek rexne û protestoyên ji gelek aliyan TFF´ê biryara xwe bi paş da girtiye.

Heger silogan bi tirkî bûya tiştek nedigotin, belkî Amedspor xelat jî bikirana.

Ji bo ku kurdî normalîze nebe, kurd zimanê xwe bi kar neynin her fêlbaziyê û riyê diceribînin.

Tirk bi rehetî mefekî herî biçûk jî nadin kurdan, dibê em wan mecbûr bikin. Bêyî viya riyeke din tune ye. Çimkî ew medenîyet, ew însanîyet, ew demokrasî bi wan ra tune ye, tenê ZOR kane wan mecbûr bike.

XXX

Serokê Sûriyê Ahmed el Şara li New York´ê bi serokê Kongreya Cihûyan a Cîhanî Ronald Lauder ra hevdînek kiriye. Siyasetmedarên tirk, medyaya tirk ne qalê dikin, nej î rexne dikin.

Heger serokekî PYD´ê, HSD´ê eynî tişt kiriba tirkan nuha qîyamet rakiribûn, gişên bi hev ra bigotana a ji we ra îspata zilamtiya kurdan a Îsraîl. Tiştê tirk, ereb dikin normal e, dîplomasî ye, heqê wan e, lê gava kurd dikin dibe qebhet…

Dijminên me, dagirkerên welatê me ji kîjan karê me, ji kîjan têkiliya me aciz bûn, rexne kirin, dibê em bizanibin ew karê me, ew têkiliya me rast e.

XXX

Serokê Tirkiyê Recep Tayyip Erdogan dîsa gefa êrîşê û dagirkirina Kurdistana Roava li kurdan xwariye, gotiye:
”em îro jî li dijî perçebûna Sûriyê ne. Ji bo ku em rê li ber rêxistina terorîst bigirin me hemû kanalên dîplomasîyê xistiye dewreyê. Heger teşebusên me yên dîplomatîk bêbersîv bimînin siyaseta Tirkiyê diyar e. Tirkiye ewê destûrê nede li Sûriyê dejavuyek çêbibe.
Yanî tiştê li Îraqê çêbû ewê nehêlin Sûriyê jî çêbibe, ewê nehêlin wek Kurdistana Başûr li Sûriyê jî kurd azad bibin.
Hebûna Kurdistana Federe bûye kule, mereza ser dilê wan, bûye qilçixê di çavên wan da.