Ji do da ye li Swêd bahozeke mezin heye, rê hatine girtin,
tirên, balafir naxebitin.
Nav lê kirine Malik. Malikê malik li xelkê xera
kiriye. Însan wek kertalan di ber bê diherin. Derya hêc ketiye, pêl berberî asîmanan dibin.
Li gelek deran dar bi ketine, bi hezaran mala di tariyê da
ne. Ji ber blindbûna pêlên deryayê gelek mal, bajar di bin avê da mane.
Li başûrê Swêd serban bi xaniyan ve neman, ba û bahozê serbanên gelek xaniyan firandin.
Dahîra Meterolojîyê dibêje heta ji we tê ji malên xwe
dernekevin rêwîtiyê. Heta nuha herêma me salîn e, germîyan, av û ceyrana me
heye. Yanî em di xêra Xwedê da ne.
Li Kurdistanê ji ber berfê û sermayê xelk perîşan e, li Swêd
jî ji ber bahoza Malik. Dibêjin bahozê îro jî dom bike.
Ji ber ku do jî ez dernektibûm, îro di bagerê da min xwe lê qeliband, xanimê
got aman, hewar îro n eroja gerê ye, min guh nedayê, min rahîşt darikên xwe yên
meşê û ji hundur derketim.
Ne ins, ne cins kes li der tunebû, tenê rastî yekî ”dîn”
hatim, di vê bahozê da serqot baz dida. Li dora saetekê meşiyam û revîrevî
vegeriyam malê…
XXX
Însanan tu hêz di coronayê nehîştine, pûç kirine.
Bala min lê ye hin kes hîn wek berê ji coronayê ditirsin.
Bi baweriya min dibê meriv êdî ji coronayê zêde netirse,
dema pê ket nekeve panîkê, reşbîn û bêhêvî nebe.
Ev corona êdî ne wek ya berê ye, însanan ew kedî kirine, êdî
meriv nakuje, tedawiya wê mimkûn e.
Min çiqasî xwe hemet jir jî têrê nekir, dawiya dawî ez jî pê
ketim. Lê nikanîbû tu jahrê belav bike, tenê ez hinekî nerehet kirim, hewqas.
Hêdî hêdî baş dibim. Du-sê rojên din ezê ji berê jî xurttir
bibim. Tew belkî ez pê debax bûbim.
Însan jêhatî ne, wek gelek nexweşiyên din ewê coronayê jî
bikin bapêşeke sivik. Jixwe ji nuha da pûç kirine, tu tirr tê nehîştine, êdî
tenê nav e.
Inga kommentarer:
Skicka en kommentar