Di Newroza Diyarbekrê da hin kesan, hin kanalên telewîzyonan
mîkrofon dane ber devên xortan, xwestine ew hestên xwe, fikrên xwe bibêjin.
Xortan jî çend gotin û şîarên kurdperwerane
gotine, hinekan kerba dilên xwe kirine der.
Û ev dîmen û gotinên xortan di telewîzyon û di medyaya sosyal da belav kirin.
Ev yek bûye sebebê pûlisên tirk 100 xortî bigrin. Jê 35 kes
berdane, lê 65 hîn girtî ne.
Nuha ji bo sloganekê ewê îşkenceyên nemayî li wan bikin û
her yekî çend sal ceza bidê. Ez pir li ber ketim.
Meriv wiha nake, wan gotinên wan belav nake, nabe sebebê girtina
100 ciwanên kurd.
Xort di bin zext û zulmeke giran da ne, lema jî ji dewletê
heta ber dev tije bûne. Kesên wiha helbet nikanin xwe kontrol bikin. Lê
rojnamevan û kesên xwedî tecrûbe dibê nebûna sebebê girtina hewqas xortên me. Bi
girtina hewqas xort ez pir xemgîn bûm.
XXX
Dahîra Îstatîstîkê ya Tirkiyê reqemên bêkariyê eşkere
kiriye, gotiye di sala 2020a da rêjeya bêkariyê li gorî salek berê 0,5 kêm bû,
daket 13, 2a.
Wey agir bi derewên we keve, law herî kêm nîvê Tirkiyê bêkar
e, milet ji nêza dimre.
Kê bîra xwe û vê derewê, îcar bêkarî kêm bûye?
Do qîmeta Lîreyê Tirkiyê ser serî çû, dolarekî Amerîkî ji
7.22a bû 8.40. Xwedê zane dalarek îro ewê bibe çiqas.
Lê tiştên wiha biçûk ji Reîs ra ne problem e, ewê çareyekê
bibîne. Reîs îro kane bi qerarnameykê bilindbûna dolarê Amerîkî
qedexe(yasax)bike.
Ji tirkan ra ev hindik e, dibê xerabtir bibe. Lê em jî di
agirê wan da dişewitin.
Tirk misteheqê Tofana Nûh in.
Inga kommentarer:
Skicka en kommentar