Dibê kurd li rojava zû hukûmeta xwe ava bikin

Li gorî malpera Avestakurdê dinivîse, kurd di demeke nêz da ewê li rojavayê Kurdistanê, li herêmên rizgarkirî hikûmetekê ava bikin.
Biryareke rast û di cî da ye, dibê kurd di demeke nêz da vê gavê bajêjin û kurdên başûr jî dibê alîkariya vê gavê bikin.
Ji xwe Koma Civakên Kurdistanê (KCK) jî di kongreya xwe ya dawî da biryar da ku li rojavayê Kurdistanê kurd hukûmeta xwe ava bikin û herin hilbijartinan.
Dibê kurd di zûtirîn wextê da vê gavê bavêjin, ne xwe sibe dikane dereng be.
Sûriye Îraqeke nuh e, ev şer ewê bi salan bidome. Loma jî dibê kurd him hêza xwe ya leşkerî xurt bikin û him jî zû xwe bidin ser hev û bi hev ra hukûmeta xwe îlan bikin.

XXX
Medyaya tirk qala ”pakêta demokrasiyê” ya hukûmetê dike. Li gorî xeberê, hukûmet dixwaze di dibistanên taybetî(prîvat) da rê li ber perwerdeya bi zimanê kurdî veke.
Yanî ne di mektebên dewletê da, lê di mektebên taybetî da ku ew jî bi îhtîmaleke mezin mektebên Fethulah Gulen in.
Yanî dixwazin di van mekteban da zarokên kurdan bihelînin û bibin xeta Gulen, ku ew jî pantirkîzm e.
Dibê kurd vê lîstikê qebûl nekin. Heger perwerdeya bi zimanê kurdî ewê dest pê bike, dibê ev perwerde wek ya zarokên tirkan, di mektebên dewletê da bibe.
Pêşniyarên wiha lîstik in û eyb e, zarokên miletekî di mektebên taybetî da perwerde nabe, dibê dewlet vê wezîfeyê bigre ser xwe.

XXX
-Ziman, wek şûrekî di destê egîdekî da ye. Zimanekî xurt û şîrîn wek şûrekî avdayî yê baş e.

XXX
-Heger tu dixwazî xurt bî hosteyê gotinê be.

XXX
Dibê her kurd navê kurdî li zarokên xwe ke. Ev jî nasnameyeke kurdayetiyê ye.

XXX
Kesên paşnavên wan bi tirkî ye dibê biguherînin, paşnavên kurdî li xwe kin. Ev jî îtîrazeke li hemberî îşxalê ye.