Kurd bi tena serê xwe nikanin Tirkiyê biguherînin

Fîlozofê bi nav û deng Îbn Ruşd gotiye, ”Heger hêk bi hêzeke ji derve bişkê dawî li jiyanê tê, heger bi hêzeke ji hundur va bişkê jiyan dest pê dike. Çimkî guherînên rastîn hemû ji hundur dest pê dikin.”

Li Tirkiyê li hemberî dîktatoran, li hemberî zulmê tu carî ji hundur serîhildan çênebûye, lema jî sed sal e Tirkiye neguherî ye, paş da çûye pêş da neçûye.
Liberxwedana kurdan, şerê kurdan yê ji bo azadiyê û demokrasîyê têra guherandina Tirkiyê nake, jê ra destega tirkan lazim e.

Çimkî milet ne bi kurdan ra ye, milet bi dewletê ra şerê kurdan dike.
Miletê tirk demokrasiyê, azadiyê, wekhevîyê, edaletê naxwaze.

Dibêje heger demokrasî, azadî, wekhevî, edalet hebe kurdê ji viya feydeyê bibînin û Tirkiye ewê perçe bibe. 

Sed sal e bi vê fikrê û sebe li hemberî serîhildanên kurdan, tirk piştgiriya dewleta xwe dikin. 

Ji bo wê jî li Tirkiyê pantirkîzim, tevgera antî-kurd tim pir xurt e, dewlet jî destegê dide vê hereketa irqçî, faşîst, antî kurd.

XXX

Artîst û rejîsorê kurdperwer Yilmaz Guney 42 sal berê, di 9ê îlonê da li Parîsê wefat kir.
Yilmaz Gunbey kurdekî bi xîret, dildarekî azadiya miletê xwe bû. Ez wî bi hurmet bibîr tînim. Gorra wî behişt be.

XXX

Fermandarîya hêzên Amerîkayê (CENTCOM)di beyanekê da gotiye wan 5 keştiyên Îranê yên petrolê binav kirine.

Artêşa Urdinê jî gotiye wan 18 fuzeyên Îranê yên balastîk xistine, di heb jî li qadên vala ketine.

Ev êrîşên Îranê û lêdana Amerîkayê tê maneya şer ewê berdewam be. Lihevhatin çênebe, şer dom bike baş e, tiştek bi Amerîkayê, bi welatên ereb nayê, dawîya dawî rejîma meleyên celad, xwînxwar ewê birûxe.

 XXX

Her kes di hilbijartinên xwe da azad e, lê belê gerek însan tehamulî netîceyên hilbijartinên xwe jî bike.