Li nexweşxaneyeke bajarê Tirkiyê Kocaeliyê, hemşîreyeka bi navê Îkra Hepgez*, dilê wê bi kuştina wahşîyane ya keçên kurd şewitîye, wek piştgiriyeke humanîstî, sembolîk a bi keç û jinên kurd ra wê jî porê xwe wek gulî hûnaye û bi vê gotinê parve kiriye:
”Ne eynî por e, lê eynî êş e, eynî his e”!
Dozger û pûlisên tirk ji barbariya celadên Daîşê yên serê keça kurd jêkirin nerehet
nebûne, ji hûnana guliyê Îkra Hepgezê pir nerehet û hêrs bûne.
Sawcî di heqê Îkra Hepgezê da derhal doz vekiriye, dû ra keçik hatiye girtin.
Bi milyonan tirk di medyaya sosyal da heqaretên mezin li Îkrayê dikin, di platforên dijîtal da wê lînc dikin.
Tirk pir û pir zalim bûne, ji celadên Daîşê ne kêm tir in. Bi milyonan tirk amade ne wek van hovên îslamî bibin celadên kurdan.
*Min digot belkî Îkra tirk e, lê ne tirk e, kurdeke zaza ye, ji Diyarbekrê ye. Tirsandine, gotiye ez poşman im..
XXX
Hevseroka Daîreya Pêwendiyên Derve ya Rêveberiya Xweser
Îlham Ehmedê ji Rûdawê ra gotiye:
”Şamê berê avakirina sê firqeyên leşkerî qebûl kir, lê piştre
ji ber midaxeleyekê ji vê biryarê poşman bû û vegeriyaye ser daxwaza "tevlîbûna
takekesî".
Tiştê ecêb, Îlham Ehmed newêre bibêje, ji ber midaxeleya
Tirkiyê Şamê çerx kir.
Mezlûm Ebdî û hin berpirsiyarên HSD´ê yên din jî gava qala
vê devguhertina Colanî dikin, dibêjin ”ji ber midaxeleya ji der ve” Şamê hebûna
sê firqeyên leskerî red kir, got dibê hûn wek şexs têkevin nava artêşê bibin.
Tirkan mala wan û miletê kurd şewitandiye, bi sedan kurd
dane kuştin, ew hîn newêrin navê Tirkiyê bigrin devê xwe, bibêjin tirk nahêlin
em bi Şamê ra li hev bikin.
Şêleke wiha ne rast e, şermeke mezin e, dibê hûn biwêribin
navê qatilê miletê xwe bibêjin !
Meriv navê dewleta li pişt qetlîama meriv e venaşêre, dibê bi dengekî bilind bibêje Tirkiye nahêle em bi Şamê ra li hev bikin !
Inga kommentarer:
Skicka en kommentar