Germa Kurdistanê îro hatiye Stockholmê

Wele îro germ û havîna Kurdistanê hatiye Stockholmê, 30 derece germ e, Stockholm dikele. Meriv li dereke honik digere....

Yê min ne xema min e, lê xanim û Azad perîşan bûne, dibêjin em fetisîn. Wer xwe baweşîng dikin.

Şikir, ez ji germê ra jî, ji sermê ra jî xurt im, zû bi zû ne di qefil in, ne jî xwîdan didim. Min îro hîn xwîdan nedaye.

XXX

Hukûmeta AKP´ê dixwaze di meclîs da komsyoneka guhertina destûrê ava bike. Serokê Meclîsê Numan Kurtulmuş li ser şikilê komîsyonê îro ewê bi nûnerên partiyan ra bicive.

Navê ”çareseriya mesela kurd” jî bi komîsyonê xistine, lê ez bawer nakim dixwazin kurdan wek milet nas bikin û mafê wan ê netewî qebûl bikin, kurd bibin xwedî statuyeke netewî.

Tiştê min ji beyanên cepheya Erdogan-Bahçelî fêm kiriye armanca guhertina destûrê ne ji bo çareserkirina mesela kurd e, dixwazin cara 4´a jî Erdogan bikin serokê Tirkiyê.

Bi texmîna min, tiştê min ji Erdogan fêm kiriye, mêrik dibêje ez heta ez sax bim ez vê kursiyê nadim kesî. Ji bo vê jî di meclîsê da ji Erdogan û Bahçelî ra piştgiriya kurdan lazim e.

Yê min texmîna min a şexsî ye, ji beyanên tirkan ez viya fêm dikim Hêvî dikim texmîna min şaş be, Erdogan- Bahçelî fêlbaziyê nekin, mafên miletê me di destûrê da qebûl bikin.

XXX
Ev beyana berdevkê kar û barên derve yê PYD Salih Muslim gelkî kêfa min anî. Salih Muslim, li ser nîqaşên derbarê danîna sîlehên HSD´ê da gotiye:

 "Danîna çekan a HSD´ê tê wateya hemû gelên li vir ewê bi gefa komkujiyê ra rû bi rû bimînin. Ev çek ji bo parastinê ne."

Salih Muslim, rexne li daxuyaniyên Nûnerê Amerîkayê yê Sûriyeyê Thomas Barrack jî girtiye gotiye:

"Barrack dibêje ”Em ji bo kurdan dewletek neteweyî naxwazin.” Ew hewl dide me neçar bike em teslîmî feraseta em li dijî wê şer dikin bibin."
Sûriye dewleteke sûnî ye, bi zor bi hev va zeliqandin. Lê wer xuya dike umrê vê dewleta sûnî qediya ye, ewê perçe bibe, kurd ewê dewleta xwe ava bikin. Baştir e ew  Kurdistana Başûr bibin yek, heta beşên Kurdistanên ên din raizaga dibin.