Dinya pir zû guherî

Do min û xanimê bi trênê rêwîtiyeke hinekî dirêj kir, li dora du seet û nîvê ajot.

Danê êvarê bû, însan ji kar vedigerîyan malên xwe. Cî tunebû em herdu rûnin. Min cîyek dît. Min ji xanimê ra got, were rûne, got na tu rûne, israra min qebûl nekir ez rûniştim.
Xortê li kêleka min rabû, ciyê xwe da xanimê. Nezaketên wiha carna çêdibe, hin însan  cî didin kal û pîran. Min sipasî xort kir. Cî ji me herduyan ra çêbû.

Min bala xwe der dora xwe, çavê her kesî di telefonê da bû. Li hember min kalekî swêdî kitêb dixwend. Baş ketibû dinya tiştê dixwend. Ez şaş mam, kêfa min hat. Ji zûda bû min nedîtibû di trênê da yek kitêbekê, rojnameyekê bixwîne.
20-30 sal berê eksê wê bû, hema hema di destê her kesî da ya rojnameyek, ya jî kitêbeke hebû. Ew dewran zû bû tarîx, nuha serdema telefonê ye, biçûk, mezin, kal, pîr di rêwîtiya metroyê, trênê û otobozê da di destê her kesî da telefon heye, ya tiştekî dixwîne ya jî lîstikekê dilîze, li tiştekî dinêre.
Berê dinya hewqas zû nediguherî, giran, giran diguherî, di 20-30 salê dawî da pir bi lez, bi suret guherî, meriv pê ra nagihîne, nikane fêr bibe.

XXX

Li Stockholmê ximîna baranê ye, bi zirp dibare. Dengê xuşîn û ximîna wê pir xweş tê hundur.
Qare qara meteorologan bû digotin barana nabare, ava bîran kêm bûye, avê hindik bi kar bînin. Wa ye xweş dibare, erdê kêf bike. Heta sêşemiyê ewê dom bike.

XXX

Li Stockholmê û li hin herêmên Swêd bayekî pir heye, gelek dar ketine, rêhatine girtin.

Li Stockholmê, li Vasaparkenê dar bi ser jinekê da ketiye, jinik giran birîndar e.

Pûlis dibêje ji ber ketina daran rê hatine girtin, ji trafîkê ra û metroyê ra bûye problem.

XXX

Go ê xelkê ji dûr tê, ê min ji ber qulpa tûr tê. Dijmin ne bes e, hin kurd jî bi milet ketine, dixwazin kurdan ji dijmin ra bavêjin erdê, bindestiya tirkan bi wan şîrîn bikin. Ji min keto, bi min keto.

Lê kevirê lol be wê here li ciyê rast bisekine, çi baş e, çi xerab e însan dibînin.