Amerîkayê sê tesîsên nukleerî yên Îranê bombebaran kirin

Amerîkayê şeva çûnî, nîvê şevê bi balafirên B-2 li Îranê sê tesîsên nukleerî bombebaran kirin. Li gorî beyana Donald Trump hersê tesîsên nukleerî jî îmha bûne.

Serokê Amerîkayê Donald Trump, piştî bombebarankirinê di axaftina xwe da gotiye:
-Ya ewê bi aştiyê biqede, ya jî ji bo îranê bibe trajedî.
Me êrîşa xwe ya pir serketî li ser sê tesîsên nukleerî yên li Îranê, ”li Fordo, Natanz û li Isfexanê” temam kir. Hemû balafir niha ji qada hewayî ya Îranê derketine.

Ev îdîa Trump çiqasî rast e meriv nizane. Gelo bombebaran bi îsabet bûn ya na ew jî ne diyar e. Hêvî dikim derên şaş bombebaran nekiribin.
Çimkî tesîs pir kûr, 80-100 mîtro di binê erdê bda ne. Rastbombekirina wan ne hêsa ye, kane li derên şaş xistibin.

Serokwezîrê Îsraîl Netanyahu sipasî Donald Trump kiriye, gotiye:
”Ez sipasîya te dikim, miletê me sipasîya te dike.”

Wezîrê karên derve yê Îranê Ebbas Araqçî êrîşa Amerîkayê şermezar kiriye, gotiye:

"Amerîkayê bi êrîşa li ser tesîsên nukleerî yên aştiyane yên Îranê bi awayekî cidî qanûna navneteweyî binpê kiriye. Encanên vê êrîşê yên pir ciddî ewê hebin

Divê her endamekî NY ji vê tevgera pir talûke, bêqanûn û sûcdar pir bi fikar be.

Îran ewê xwe biparêze, hemî tedbîran bigire ji bo ku serwerî, berjewendî û gelê xwe biparêze."

Nûnerê Xameynî, Husên Şerîetmedarî jî êrişa Amerîkayê ya ser Îranê rexne kiriye, gotiye:

"Niha dora me ye bêyî ku em wextê winda bikin, wek gava yekem, emê li Bahreynê keştiyên deryayî yên Amerîkayê moşekbaran bikin.”
Şalê dînîtiyeke wer bikin. Ewê ketina xwe zûtir bikin. Gava mirina bizinê tê nanê şivên dixwe.

Şer pir cidî ye. Çi ji destê meleyên faşîst were ewê bikin, lê ez bawer nakim ji nuha şûnda şer raweste, Îran û Îsraîl li hev werin. Dibê ev rejîm bikeve. Heger vê carê jî ji ketinê xelas bibe, Komara Îslamî ewê ji bo Îsraîl û dinyayê pir talûkeyeke mezin be. 

Çare, dibê rejîma meleyên faşîst bikeve. Berdewamiya bombebrankirinan haziriya ketina rejîmê ye. Hêdî hêdî bingeha serîhildana milet amade dikin.
Ji ber ku Amerîka jî tevî şer bû êdî dewleteke din ewê newêribe xwe tevî şer bike. Hin çeteyên Îranê belkî çend fuzeyan bavêjin ji Îsraîl da lê ewê tu netîceyekê negirin.

XXX
2025-06-21

Medyaya Îranê ya resmî gotiye 5 serbazên Supaya Pasdaran îro li bajarê Xuremabada girêdayî wîlayeta Loristanê di êrişeke Îsraîlê da hatine kuştin. 15 serbazên Hêza Asmanî jî li deverên din hatine kuştin.

Ev zalimên îsraîlê çawa ciyên wan tespît dikin ez nizanim. Feqîran xwe dikin kîjan qulikê jî ji kuştinê xelas nabin

Wele heger wiha dom bike Îsraîlê qira serbaz û generalan bîne. Di 9 rojên şer da general û serbaz nehîştin. Hindik maye dor were başçawîşan.

Ya baş ew e zabit û general giş îstîfa bikin û ruhên xwe xelas bikin, ya na Îsraîlê yek bi yek gişan bikuje.