HUDAPAR´ê avabûna Kurdistanê kiriye pilaneka emperyalîstan û xurtbûna sîyonîzmê

Li Amedê di pêşengiya HUDAPAR´ê da li ser mesela kurd konferansek hat çêkirin. Konferansê du rojan(15/16-02)dom kir.

Piştî konferansê beyaneka 15 xalî hat belavkirin. Di nav 15 xalên beyanê da hin xalên baş hene.
Lê li alî din di destpêka beyanê da li ser mesela kurd û avabûna Kurdistanê analîzeke pir xerab heye. Hudaparê heta nuha konferanseke wiha nekiriye. Çima ev konferans çêkir meriv dide fikarandin.
Analîza li ser mesela kurd wiha ye:

”Mesela kurdan ne tenê meseleyeke esayişê, şîdetê ya jî terorê ye; aliyên wê yên tarîxî, siyasî, huqûqî, sosyolojîk, ekonomîk, herêmî û navnetewî jî heye. Ji ber ku metodên rast nayên bikaranîn çareserî dereng dikeve, lema jî gelş kûrtir dibe.

Hêzên navnetewî, bi taybetî jî nûnerên emperyalîzmê dixwazin xwe tevî meselê bikin, ev jî ewê meselê bêtir tevlihev bike.

Îro hêzên emperyalîst, di ser vê meselê ra dixwazin welatên têkildar(yanî Tirkiyê, Sûriyê, Îraqê, Îranê) hemûyan perçe perçeyî bikin û sîyonîzmê bikin hêza serdest ya vê coxrafya yê.”

Ev analîz pir xerab e, dubarekirina dîtina dewletê û hêzên antî-kurd yên li dijî serxwebûna kurdan û avbûna Kurdistanê ye.

Berî her tiştî mesela kurd meseleyeke millî, netewî ye, mesela axê ye, ne gelşeke ”esayişê, şîdetê, terorê ye; huqûqî, sosyolojîk, ekonomîk” e.

Xwediyên beyanê gelek sebeb li dû hev rêz kirine, lê negotine mesela kurd meseleyeke millî, netewî ye. Kurd dixwazin welatê xwe rizgar bikin û xwe îdare bikin. Ev yek.

Ya din jî, Hudapar di beyanê da li dijî perçebûna dewletên Kuridistan dagirkirine derdikeve, dibêje heger Tirkiye kurdan razî neke, hêzên emperyalîs ewê herçer dewletên Kurdistan di nava xwe da par kirine ”perçe perçeyî bikin.”

Herçar dewlet perçe nebin Kurdistan çênabe. Ji bo kurd çêbibe, kurd bibin xwediyê welatê xwe, dibê herçar dewletên dagirker werin perçekirin. Ya dibê kurd veqetin, ya jî bi van dewletan ra federasyona ava bikin.

Û piştî perçekirina herçar dewletan û avakirina Kurdistanê ewê sîyonîzmê bikin hêza serdest ya vê coxrafyayê.

Beyan vê yekê pir eşkere dibêje:
”Îro hêzên emperyalîst, di ser vê meselê ra dixwazin welatên têkildar hemûyan perçe perçeyî bikin û sîyonîzmê bikin hêza serdest ya vê coxrafya yê.”

Maneya van gotinên jor, Kurdistan di asasê xwe da Îsraîla duduya ye. Heger Kurdistan çêbibe Îsraîl ewê bibe hakimê herêma me.

Hudapar û kesên li pişt vê beyanê kurdên serxwebûnxwaz dikin pîyonên Îsraîl, dibêje gerek em, Tirkiye rê li ber perçebûna Tirkiyê, Sûriyê, Îraqê û îranê bigirin, nehêlin Kurdistan ava bibe.

Ev dîtin ne ya kes û hêzeke kurdperwer e, dîtina îslamîst, kemalîst û faşîstên tirk e; ji bo ku daxwaza kurdan ya serxwebûnê reş bikin, tim emperyalîzê û sîyonîzmê filan bi micadela û liberxwedana kurdan va dizeliqînin.

Wek mesela terorê, mohra terorîzmê li her serîhildan, micadele û şerê kurdan yê azadî û serxwebûnê jî dixin.

Di beyana konferansa Hudaparê da jî ev mohra tiliya emperyalîzmê û Îsraîl li micadela kurdan a serxwebûnê hatiye xistin.

XXX

Dêlikekê di meclîsê da heqaret li kurdan kiriye.
Bav kûçik be, law ewê kûçikbav be, yanî segbav be.
Neyarên me ne tenê kûçik in, kûçikbav in jî. Lema tu carî baş nabin, tu carî dev ji kûçitiyê bernadin. Di her fersendê da wek kûçikên har radihîjin me. Bav heger pak bûya ev zurîyet bi dû nediket.

Kûçik bi qusandinê nabe tajî.