Li welatên azadî lê tunebe, tirs lê hakim be ne ûjdan, zîrektiya şelafiyê bi pêş dikve.
Tirs însên bêşexsîyet dike, fêrî şelafiyê dike.
Lema li Tirkiyê, li welatên rojhilat şelaf pir in. Bi hezaran şelaf dîktatoran bi asîmanan dixînnin.
XXX
Bi roj havîn û germê, bi şev jî maçên Şampîyoniya Ewrûpayê
berhemdariya min kêm kirine, nahêlin ez bixwînim û binivîsînim.
Bi roj destê min ji rûniştina li heweşê, bi şev jî ji temaşekirina futbolê nabe.
Lema piçekî tembeliyê dikim.
XXX
Heger tu ji şaşiyê ra li çepikan dixînî fikrê te tune ye.
Heger tu xwar û rast ji hev nagerînî aqilê te tune ye.
Heger tu derewê diparêzî exlaqê te tune ye, tu bêexlaq î.
Kesê problem xuliqandiye sebebê hebûna problemê ye, bi wî problem çareser nabe, dibê ew ji ortê ra
XXX
Ez him matmayî mam, him jî bûm heyrana keşf û îcadên xelkê.
Zekî Ozmen bi Hişê Çêkirî Claude xanimê ra, bi robotekê ra
hevpeyvîneke muhteşem kiriye. Bixwînin, bibînin bê xelkê çi îcadên aqilê meriv
nagire kirine. Em hîn li ser derewên ereban yên 1400 sal berê ketine gewriya
hev.
Hevpeyvîn di malpera Diyarnameyê da ye.
XXX
Li Qeyseriyê bûyer mezin dibe, gelek mal û dikanan
dişewitînin. Kurmê şîrî heta pîrî. Tim wiha kirine.
Erdogan 22 sal e li ser hukim e, Tirkiyê îdare dike. Yê
hetanî nuha ew li ser hukim hîşt milet e.
”Miletê siyasetmedarên rişwetxwar, duzenbaz, dizan hilbijêre
ne qurban e, şirîkê sûc e.”
George Orwell
2024-06-30
Slaven Bîlîcê xirwat li ser Tirkiyê û tirkan teşhîseke pir
xweş kiriye, gotiye:
”Li Tirkiyê problema esasî ev e: Yên zana selahîyeta wan
tune, yên xwedî selahîyet jî nezan in.”
Nezan, cahil civatê jî wek xwe dikin. Tirkiye, Îran wek mîza
devê bi paş da diherin.
Tu tiştekî din bi qasî dîn û fahm(mentiq)ne li dijî hev in.
Voltaîre
XXX
Inga kommentarer:
Skicka en kommentar