Herdu jî cambazên di ser hev ra ne

Heta nuha min ne bi xwe û ne jî di fîlm û romanan da tu tevgerên wek Cimata Gulen û AKPê rezîl, bêexlaq, bêbext, telaqreş, diz û çete ne dîtiye û ne jî bihîstiye.
Tiştê herdu seriyan bi dest û plana Erdogan û Gulen kirine, komployên li hemberî însanan organîze kirine Mafîa Jamaîka jî nake, însanên herî rezîl û herî bêexlaq jî nake.
Li dinyayê ji tevgera Erdogan û Gulen(AKP û Cimatê) aîdîtir, çamûrtir tevger tuneye.
Herdu serî jî heta bi qirikê, (bi taybetî jî Erdogan û Gulen)di çamûrê da ne, qirêj, pîs û destbixwînin.
Erdogan jî û Gulen jî wek şexs di gelek sûcên giran geriyane, gelek tiştên adî dane kirin.
Li ser van herdu şexsan û tevgeran dibê film werin çêkirin, roman werin nivîsîn, lêkolînên pir kûr û berfireh werin kirin…

XXX

Weleh min îro hema ji nişka ve dîsa manqila xwe danî û izxara xwe çêkir.
Di dema gerê da bîna goşt bi serê min û xanimê ket. Min got xanim weleh ka em jî herin mal û manqila xwe deynin û goştê xwe bibrêjin.
Ji xwe îro rojbûna lawikê me Serhat bû. Me got bira ev jî xelata wî be.
Ez serê we neêşînim me çû goştê xwe, peqlawe û torta xwe kirî û me berê xwe da malê. Hewa zêde ne xweş bû lê îdare bû. Ya muhîm baran nebarî.
Ji şansê xerab ra manqila me got xirt û ket. Mala wê ava, baş li ber xwe da. Ev çend sal in em pê îdare dikin. Tifikek me li hewşê heye lê em zêde bikar naynin. Mecbûrî emê yeka nuh bikirin.
Mixabin min goştê xwe zêde biraşt, hinekî zuha hat. Lê gava zik birçî be çi be jî tê xwarin. Piştî ku me zikê xwe têr kir, me dest bi rexnekirina kêmasiyan kir….