Nezanî meriv dike berdevkê xelkê û neyarê qewmê xwe

Cahil û cuhûlên kurdan pir in. Kurd wek milet li gel ku ji her miletî bêtir zulm lê bûye, di dîrokê da gelekê caran hatine qirkirin û bi 40 milyon nufûsa xwe hîn jî bindest û bêdewlet in.

Lê dîsa jî pir rehetî qala zulma bav û kalên xwe ya li ermeniyan û asûr-suryaniyan kirine dikin.
Û ne kesên nezan tenê, gelek siysetmedar û kesên bi çavên ronakbîriyê li xwe dinêrin jî ji ermeniyan, ji asûriyan bêtir qala zulma kurdan li van miletan kiriye dikin.

Ji ber ku ji zanîn û şiûrê dîrokê bêpar in haya wan ji zulma li bav û kalên wan bûye tuneye, qala tiştên ermeniyan û rûsan anîne serê bav û kalên xwe nakin. Çimkî haya wan ji vê yekê tuneye. 

Bi devê xelkê dipeyivn, bi çavên xelkê li dîrokî û li meselan dinêrin.
Fena ku kurd li Kurdistanê xwedî dewlet bûn, xwedî artêş û hêz bûn û loma kanîbûn zulmê li ermeniyan û li gelên din bikin.

Lê ji bo çi kurd hîn bindest in, ji bo çi li gelek welatan bi milyonan kurdên koçber hene nizanin û sebebê vê koçberiyê jî qet meraqnakin.
Tiştê dizanin bav û kalên xwe neheq, zulimkar û xelkê jî biheq û mazlûm nîşan bidin…
Ji ber ku nezanin, ji dîroka xwe bêhay in. Merivên nezan zû dibin berdevkên xelkê û neyarên qewmê xwe….

XXX

Qet meraq nekin, gelek tiştên siyasetmedarên kurd û dewlet îro ji me vedişêrin piştî demekê ewê eşkere bibin; ji ber ku "xuyekî rastiyê yê pîs heye, zû dereng derdikve ortê..."

XXX

Kerkûk dilê Kurdistanê ye û Kurdistan jî dilê her kurdî ye.

Kurdistan 

tunebe kurd jî tunene, kurd mirî ne. Ji bo ku kurd nemrin dibê Kurdistaneke serbixwe çê bibe. 

Kurdistan çênebe kurdê jî wek asûrî-suryaniyan bi çol û çepelan kevin û biqedin...