Hin tişt hene...

Hin tişt hene...

Hin tişt hene meriv dikane ji bîr bike

lê hin tişt hene xwe di bîra meriv da bi cî dike

Hin derd hene meriv mezin nake, 

zû derbas dike

Lê hin derd hene 

di dilê meriv da kulekê çê dike

Hin gotin hene meriv wek pûş û pelaş
davêje ser koza ar

Lê hin gotin hene ji guhê meriv ra dibin guhar

Hin bûyer hene zêde ne muhîm in,
meriv mezin nake

Lê hin bûyer hene,
dibê meriv wan ji xwe ra bi kul û derd ke

Hin kes hene wek şûr in,meriv tim dikane wan bide pişta xwe
Lê hin kes hene ji çaqoyek ko jî kotir in
dibê meriv wan neke bêrîka xwe
Hin kes hene bi rastî heval in,
ji meriv ra tim wek şûr û mertal in
Lê hin kes hene bi dev dost in,
di dil da zikreş û xêrnexwaz in
Gelek zahmet e meriv van hemûyan nas bike
van baş û xeraban ji hev cuda bike