Wêranşarê bûye derya qutîkên beton

Wêranşara berê dora wê giş bexçe bûn, seha topê çîmen bû, bûye derya apartmanên beton.
Heta dawiya sala 1979´a li Wêranşarê apartmana Seydoyê Çuxranî tenê hebû. Belkî 4-5 qatî bû. Mala Seydo Çuxranî û mamûrên dihatin Wêranşarê tê da diman.

Ew jî pêşîya wê hatibû sewaxkirin, dawî û kêlek nehatibû sewaxkirin, fena ku di înşiatê da be.
Nuha di vî rismî da min bala xwe dayê, nayên jimartin, bi hezaran apartman lê bûne

Xaniyên kevirî, kerpîçî, bi hewş, bi dar nemane, wêranşar bûye derya apartmanên beton, ne sihî, ne li gorî hewa û îklima Wêranşarê. 

Milet di hundur wan qutiyên beton da dikele.

XXX

Yê guh nede te, qîmetê nede te, tu jî guh nedê, tu jî qîmetê nedê.

Kî dibe bira bibe, tu kesî zêde mezin meke, hurmeta zêde ne xweş e, dibe şalûzî.

Tu carî xwe biçûk nebîne. Ji bo hevaltiyê li ber kesî negere. Rê ji dil diçe dil. Hezkirina yekalî ne rast e.

XXX

Bi axaftinên dirêj hevalê xwe, derdora xwe aciz meke. Hindik bipeyive bira giraniyeke, cidîyeteke gotinên te hebe. Xwarina zêde zikê meriv diêşîne, vexwarina zêde meriv serxweş dike, gotinên zêde însanan, kesên guhdar aciz dike. Hindik rindik e, yê guhdar kêfxweş dike.

XXX

Ji do êvarî da ye li Stockholmê baranê venekiriye, ximîne wer dibare. Xwezî hinekî wê çûba Wêranşarê. Ji Wêranşarê ra baran nuha derman e, van rojan nebare xerab e. Her kes li hêviya baranê ye.