Çend rêz ji bîranînên min -61-

Weşandina hin notên xwe yên rojane û nivîsên xwe yên kevn didomînim. Min got bira wenda nebin. Ew jî tarîxeke. Do ez çi bû me, çi fikirî me bira were zanîn.

XXX
1987-03-12
Xwediyê çapxanê Armanc anî komelê. 700 kronê wî li me mabû. Xwedê kir perê min hebû, min 700 kron ji kîsê xwe dayê. Ezê perê xwe dûra bigrim.

XXX
2001-03-12

Ji Weşanxana Dozê, ji Ahmed Okçuoglu ra

Kekê Ahmed,

Gelek spas ji bo bersîva te û mala te ava.

Li ser mesela daçekan( da û ra) te gotiye hûn dixwazin wan biguherînin, bikin ”de û re” û di vî warî da te fikrê min jî pirsiye. Ez bawer dikim tu yê jî bizanibî di axaftinê da piraniya kurdan ”da “ û ” ra” bikar tînin.
Yanî meriv dibêje: ji min ra got di otobozê da di xew ra çû.
Lê di nivîsandinê nuha kirine eksê wê, hema hema her kes ”de û re” bikar tîne.

Tu rastiyê dixwazî her çiqas li ba me(Wêranþar, Ruhayê) daçeke ”da û ra” bikar bê jî lê dîsa jî min roman(Bide Dû Dilê Xwe) bi hawê ”de û re” wergerandibû.

Bes dûra min di rojnameya Roja Teze da meqaleyeke M. Emîn Bozarslan(tam di wan rojên ku tu li vir bû) li ser vê meselê xwend. Wî di wê meqala xwe da digot, di hemû kilasîkên kurdî da daçekên ”da û ra” hatine bikaranîn. Û di vî warî da jî ji Ahmedê Xanî û ji Melayê Cizîrê gelek nimûne dabûn.

Li ser wê, min jî rabû ”de û re” guherandin û kirin ”da” û ”ra”. Min xwest ez wê nivîsa M. Emîn Bozarslan ji te ra biþînim, lê min nikanîbû. Çimkî malpera Roja Teze hatiye girtin. Lê li gel vê jî hûn zanin, heger hûn dibêjin na, hutlil batil divê em biguherînin, wê gavê biguherînin, bikin DE û RE. Min ew jî qebûl e.

Netîce: heger hûn, wek ku min nivîsandiye bihêlin ezê kêfxweş bibim. Lê ku hûn biguherînin jî ezê qiyametê ranekim û we nedim mahkimê. Hema bira kêmasîya me kurdan tenê ev be!

Ez ji vir heta wir gelek silavên biratiyê ji te ra dişînim û bimîne di xweşiyê da.

Zinarê Xamo

2001-03-12
Bide Dû Dilê Xwe, Susanna Tamaro.

XXX
1996-03-12

Wîldan Saîm Tanrikulu ji Riza Polat ra gotiye rewşa partiyê ya aborî ne nebaş e, heger vê meselê çareser nekin îhtîmal heye partî belav bibe.

Ez bi Mûrad Ciwan ra peyivîm, ji minra got hevalên me ji bo kongreyê pera top dikin. Min berê jî ev yek bihîstibû. Lê hîn ji min nexwestine.
Mûrad got pir israr dikin ji bo ku ez jî herim kongreyê, lê min ji wan ra gotiye ez nayêm.
Di vê nabênê da ji min ra got, were dîsa di Armancê da binivîsîne. Min bersîvek nedayê. Ezê li ser hinekî bifikirim.
Di vê jimarê da Mûrad dîsa bûye radaktor. Heta nuha Remzî Kerîm bû.