Li Ewrûpayê welatê herî zêde girtî û girtîxane lê hene Tirkiye ye. Di xerabiyê da tirk tu carî pêşengiyê nadin kesî.
Tirkiye li Ewrûpayê dîsa bûye welatê yekê, lê ne di başiyê
da, di xerabiyê da, di pirbûna hefsan û hefsîyan da welatê yekê ye.
Li gorî rapora Konseya Ewrûpayê welatê herî zêde girtî û girtîxane lê hene Tirkiyê ye. Ji xwe Tirkiye bûye zîndaneke mezin, yên li derve jî girtî ne.
Li gorî rapora Konseya Ewrûpayê ya sala 2020a piştî Rûsyayê
welatê herî pir girtîxane û girtî lê hene Tirkiye ye.
Lê belê li gorî nufûsa welatan, girtiyên Tirkiye ji yên
Rûsyayê jî pirtir in, Tirkiye li Ewrûpayê welatê yekê ye. Li Tirkiyê 297 hezar
kes di zindanên Tirkiyê da ne.
Bi texmîna min 297 hezar pir hindik e, rastiyê nabêjin, herî
kêm 500-600 hezar însan di girtîxaneyên Tirkiyê da ne, lê tirk rastiyê ji
dinyayê vedişêrin. Û ji sedî nodê wan jî kurd in. Bi kêmanî 300-400 hezar kurd
bêsûc wek êsîr di zindanan da hatine girtin.
Tirkiye di başiyê û rindiyê da her tim di rêza herî dawî da
ye û di xerabiyê û zulmê û zindanan da jî tim di rêza herî pêşî da ye.
Em çi bikin jî, çi bibêjin jî, çiqasî rexne bikin jî tesîrê
li kesên dildarên tirkî ne nake, dev ji tirkî bernadin. Dibê meriv vê rastiyê
fêm bike.
Bi gotegotê gayê zexel naçe cot.
Çare, dibê em pesnê wan nedin, wan bi tenê bihêlin. Belkî ev
yek hinekan ji vê riya şaş vegerîne.
Em bawer dikin riya me daye ser riyeke rast e. Lê riyeke asê
ye, kaş û hevrazên wê pir in. Em bi viya zanin û ji vê zor û zahmetiyê gazinan
nakin. Yê însan be, xwedî şexsîyet be di bindestiyê da bêdeng namîne. Jiyana
bindest jiyaneke zelîl e, qebûlkirina koletiyê ye. Rabûna li hemberî zulmê û
dagirkeriyê şert e, wacibekî însanî ye. Yê ji fikrê xwe bawer be natirse.
Inga kommentarer:
Skicka en kommentar