Bira partiyên kurdî giş bi hev ra bersîvekê bidin hêzên dagirker

Li ser gelşa pûla Papa û xerîteya Kurdistanê pêşniyareke min ji partiyên herçar perçên Kurdistanê ra heye. Bira partiyên herçar perçên Kurdistanê bi hev ra bersîvekê bidin Tirkiyê, Îraqê û Îranê û li welatê xwe xwedî derkevin.
Bira partiyên me nîşanî dijmin bidin Kurdistan ne ya şexsekî û partiyekê ye, welatê miletekî ye.

Nivîskar, siyasetmedar û ronakbîrên herçar perçên Kurdistanê jî kanin bi hev ra beyanekê belav bikin û ew jî welatê xwe biparêzin.

 XXX

50 sal berê, di 12ê adara 1971ê da leşkeran dest danîn ser hukim. Nuha êdî ne hewceyî leşkeran e, êdî siwîlên tirk ji leşkeran pir xerabtir in.

Rejîma îslamî-faşîstên tirk ya îro ji ya leşkeran a 50 sal berê pir û pir xerabtir e.

Heta kurd azad nebin, Kurdistan çê nebe, Tirkiye ewê tu carî ruyê demokrasiyê nebîne.

 XXX

Li Tirkiyê her tişt bûye qeşmerî, pêkenîn. Prof. Nîhat Hatîpoglu, him rektorê zanîngehê ye, him jî deqanê 4 fakulteyên din e.

Li zanîngehên Nîhat Hatîpoglu û yên wek wî mamoste, rektor û deqan bin ilm û îrfan tuneye, xwendekar derew û çîrokên beradayî fêr dibin.

XXX

Muzîka otantîk xweş e, çîrokên kevn xweş in, kinc û girêdanê kurdî yên herêmî, yên orjînal, yên pê nehatine lîstin xweş in.
Çi dibe bila bibe, gava orjînal be, nehatibe guhertin, lê kêm û zêde nebûbe, pê nehatibe lîstin bi qîmet e.
Ji dilê ku meriv bi tiştê kevn bilîze, dibê tiştekî nuh bixuliqîne.