Tirkan bi qanûnekê axaftina kurdî kirine sûc

 

Tirkan di sala 1938a da bi qanûnekê axaftina kurdî li kurdan qedexe kirine, kirine sûc û kesên bi kurdî peyivîne him hefteyekê xistine hefsê û him jî cezayê pera lê birrîne.

”8/1-1938

Teklîfa qanûnekê:

Kesên bi tirkî nepeyivin ewê werin cezakirin
Kesên bêyî tirkî bi zimanekî din bipeyive, ewê hefteyekê werin hefskirin û hetanî 100 lîreyî jî cezayê pera lê were birrîn.
Nîvê pereyê cezê ewê wek mikafetê bidin kesên muxbîr.”

Ev qanûna rojnameyê qal kiriye hate qebûl kirin û heta 1950î, îktîdara DPê jî li hemberî kurdan hat bikaranîn.

Wek hûn dibînin, van tirkên irqçî, nazîst ji bo ku kurdan asîmîle bikin, bikin tirk, çi anîne serê pêşiyên me, çi zulm li wan kirin.
Sebebê asîmîlasyona gelek kurdan ev qanûn e, ev zulma tirkên barbar û faşîst in.

Hin kal û pîran qala qedexe û cezakirina axaftina kurdî dikirin meriv bawer nedikir, bi meriv wek pêkenînê dihat.

Lê wek di rojnameyê da jî xuya dike di sala 1938a da bi qanûnekê kurdî yasax kirine, kirine sûc û kesên bi kurdî peyivîne xistine hefsê û cezayê pera dane serê her gotina kurdî.

Wan bi xwe nikanîbûne li her derê kurdan kontrol bikin, ev yek ne mimkûn bûye. Lê muxbîr girtine. Ji bo ku nehêlin kurd li tu derê bi hev ra bi kurdî bipeyivin hin kes kirine muxbîr û nîvê perê wek ceza ji kurdan girtine dane muxbîrên muxbîriya xelkê kirine.

Tarîxa însanîyetê hin îdeolojiyên xerab, wek faşîzmê, nazîzmê, apartheida Afrîka Başûr dîtiye, lê di tu rejîmê da jî zimanê miletekî, axaftina zimanekî bi qanûnê nebûye sûc.

Lê tirkan ev yek kirine, axaftina kurdî bi qanûnê kirine sûc û serê her gotinê cezayê pera li kurdan birrîne.

Lêkolînerên kurd dibê li ser vê mijarê lêkolînan bikin, qanûna kurdî qedexe kiriye derxin û bikin kurdî.
Qanûn kînga derket, kînga rabû ?
Çi tesîr li kurdan kir?
Rojnameyên wê demê li ser vê mijarê çi nivîsîne, dibê em bizanibin.

Not:Kupura rojnameyê min ji malpera twîtterê ya Baran Zeydanlioglu girt.