Qîrînekê ji dilê min deng veda

Min kitêba M. Şefîq Oncu ya li ser welatparêz û qehremanê kurd û Kurdistanê Wedat Aydin -Dozek Dewranek Lehenegek Wedat Aydin- nuha qedand.

Ev demek bû min ew û hevpeyvîna bi Fuad Onen ra -Jiyan û Helwest- bi hev ra dixwendin. Min ”Dozek Dewranek Lehenegek Wedat Aydin” bi roj û ”Jiyan û Helwest jî bi şev dixwend.

Piştî qedandina kitêba li ser Wedat Aydin, li hemberî dewleta tirk û qatilên vî mêrxasê miletê kurd kîn û nefreta di dilê min da bi qasî çiyayê Everestê mezin bû, min xwest hemû qatilan û kesên emir dan wan bi diranên xwe zîfêlzîfêlî, qetqetî bikim.

Ji dilê min qîrîna îNTîQAM-ê deng veda…

M. Şefîq Oncu, gelek spas ji bo ku te ev lehengê miletê kurd bi vê berhema xwe bi dost, heval û gelê wî hîn baştir da nasandin.


XXX
Şairê kurd yê navdar Şêrko Bêkes, îro li paytexta Swêd li Stockholmê li nexweşxaneya lê dihat dermankirin di 73 saliya xwe da jiyana xwe wenda kir.
Miletê kurd kurdperwer û şairekî pir mezin wenda kir, bira serê miletê kurd sax be.
Şêrko Bêkes, bi şiîrên xwe yê welatperwer ewê tim dilê miletê kurd da bijî.

Darekê got
Em niha nikarin
Navê te li cadeke Diyarbekir kin
Kulîlkekê got
Em niha nikarin
Navê te li baxçekî nav Qamişlo kin
Kevirekî got
Em niha nikarin
Peykerekî li ser sînga Babagurgur
Ji bo te çêkin
Şiîrek got
Em niha nikarin
Navê te li kutubxabeyeke Sablax kin
Dawî Kurdistan got
Ewê em niha karin bikin
Tenê ev e ku
Wek gul û şiîr û azadî
Te di canê xwe de hilgirin

///Şêrko Bêkes

Ji Soranî: Rûken Bagdu Keskin – Bedran Hebîb