Dibê kurd li hemberî her heqareta li wan dibe bêdeng nemînin.

Cîgirê serokê MHP Oktay Vural û berdevkê AKP-ê Huseyîn Çelîk, derbarê hevpeyvîna serokê Herêma Kurdistana Federe Mesûd Barzanî ya bi Hasan Cemal ra bi rengekî pir bêedep dev avêtine ji Mesûd Barzanî da.
Gotinek kurdan heye, dibêjin ”Ji min ket, bi min ket”!
Yê me jî bûye ev mesele, Vural jî û Çelîk jî, herdu jî ji Kurdistanê ne, Vural erebekî ji Tilo û Huseyîn Çelîk jî kurdekî ji Wanê ye. Lê her du jî neyarên miletê kurd û xulamê tirkan e. Loma jî Bahçelî û Erdogan, gava hewce be, tim wan bera kurdan didin.
Çimkî kurmê darê ne.
Bi taybetî jî cîgirê MHP-ê Oktay Vural, di axaftina xwe da li serokê Herêma Kurdistana Federe Mesûd Barzanî gelek heqaretên giran dike û jê ra gelek gotinên bêexlaq û bêterbiye dibêje.
Çawa ku meriv nikane kevir bavêje her kûçikê diewte meriv, her wisa birêz Mesûd Barzanî jî nikane bersîvê bide vî sûtal û bonciyê tirkan û sunetçiyê bilikê zarokên kurdan.
Ev ne karê birêz Barzanî ye, lê nûnerên Herêma Kurdistanê yên li Tirkiyê dibê li hemberî van heqaretan bêdeng nemînin.
Ev ne cara pêşîye ku ev sunetçiyê bilikê kurdan yê tiloyî û bonciyê tirkan Oktay Vural, heqaretên wiha giran li miletê kurd û serokên kurdan dike.
Li Tirkiyê buroya herêma Kurdistanê heye, dibê nûnerê Kurdistana Federe yê li Tirkiyê bi beyanekê bersîvekê bide MHP-ê û berdevkê AKP-ê Huseyîn Çelîkê Wanî.
Huseyîn Çelîk, ne wek Vural be jî, lê wî jî ji li hemberî serokê Herêma Kurdistanê bêdebî kir. Dibê kurd li hemberî her heqareta li wan dibe bêdeng nemînin.


XXX
Piştî ku serokê PKK-ê Abdulah Ocalan do bi beyanekê bang li girtiyên PKK-ê û PAJK-ê kir ku bila zû dest ji greva birçîbûnê berdin, îro li ser navê girtiyên PKK-ê û PJAK-ê Denîz Kaya daxuyaniyek da û got, li ser daxwaze Abdulah Ocalan, ” ew dawiyê didin greva xwe ya birçîbûnê” .
Li gel ku grew bi temamî negihîşt armanca xwe, lê dîsa jî olaneke mezin da û di nava civatê û hukûmetê da bû sebebê hin gav û tevgeran û minaqeşekirina daxwazan. Bi taybetî jî hêz û biryardariya gel baş eşkere bû. Mimkûn e ku ev çalakî di rojên pêş da hin tiştan bi xwe ra bîne.
Welhasil ez dawîlêanîna grewê rast û baş dibînim. Ji ber ku bi dehan keç û xortên kurd nemirin ez pir dilşa me.
Lê dibê em bizanibin ku hukûmet hîn nehatiye ser riya rast, hîn nehatiye mecbûrkirin.