Amed, ez dizanim tu îro pirgiriye

Neşe Duzel, ji Diyarbekrê derbarê terora dewletê da bi telefonê ji Ahmet Altan ra wiha gotiye:
” Tevayiya bajêr fîş dikin.
Vira felaket e.
Li vir şîdeteka pûlisan ya pir sîstematîk heye. Her kesî dihingêvin, cop dikin. Ji bo ku pûlis wiha bike dibê dewletê biryar dabe. Ya îcar cihê ye, lo kolanan her tim vê şîdetê bikar tînin ji bo ku însanan ziravqetyayî, qudûmşikestî bikin.
Li vir ji grewên birçîbûnê ra piştgiriyeke pir mezin heye. Kesên ne PKK û BDP jî piştgiriyê didinê. Însan tên ziyareta kesên di grewê da ne.
Zarokên meketeban jî ji bo ziyareta kesên di grewê da ne tên dikevin dorê.
Hemû bajar li ser niga ye. Êvaran Diyarbekir wer dike qîrîn û hawar.
Li hemû malan lampeyan vêdixin û vedimirînin, dilîrînin, fişekên hewayî diteqînin, erebe li korneyê dixin.
Tu zanî ya herî xerab çi ye? Pûlis, malên ku lampeyên xwe vêdixin û vedimirînin, xwendevanên ku li yûrdan beşdarî çalakiya ronahiyê dibin yek bi yek digre fîlm û fîş dike. Plakeyên erebeyên li korneyê dixin digrin. Hemû bajêr fîş dikin. Zulm, çewisandin derî aqil e.
Min ev bajar tu carî wiha nedîtibû…!”
Ameda xopan, ez dizanim tu îro pir giriye, hindik maye, wek ewladên xwe, tu yê jî azad bibî...

XXX
Li ser bûyerên li Amedê
Ev zulm ewê ji Erdogan ra jî nemîne, kurd baş dizanin: carnan zêr zane, carnan zor zane û carnan jî devê tivinga mor zane...
Kurdan mecbûr dikin ku hemûyan jî bikar bînin...

XXX
Ev barbarî jî ewê nikanibe rê li ber azadiya kurdan bigre, kurd ê azad bibin û hemû hêzên dagirker ji welatê xwe biqewiqitînin.
Lê tiştê meriv diêşîne hin kurd hîn jî hevalbend û piştgirê vê dîktatoriya ceberût in, wek kurd hîn jî li dijî vê zulmê dernakevin û bi van zaliman ra dixebitin. Dibê kurd van hevkarên neyar jî baş nas bikin…