Koma Amedê û Ciwan Haco dilên hezkiriyên xwe rakirin pêdarê

Koma Amedê li Amedê, Ciwan Haco jî li Zaxoyê bi deng û muzîkên xwe dilên hezkiriyên xwe rakirin pêdarê

Du roj berê Koma Amedê li Ameda rengîn bi muzîk û sitranên xwe dilê amedîyan rakir pêdarê, zîyafetek muzîkê ya xweş da muzîkhezên diyarbekrî.

Ciwan Haco jî îro li Zaxoyê, li ser Pira Delal zîyafeteke xweş da hezkiriyên xwe yên ji her çar parçeyên Kurdistanê.

Ez her sitranbêjên Koma Amed, Ciwan Haco û kesên ev konser amade kirin pîroz dikim.

XXX

Fûara Kitêban a Amedê qediya. Hêvî dikim bazar kesad derbas nebû, baş derbas bû. Tahb û sahba wan bi avê da neçû.

Weşanxane qala netecîyeyên bazara fûarê bikin ewê baş be. Yek bikanibe jimara, îstatîstîka kitêbên hatine firotin parve bike ewê pir baş be. Di vê fûarê da gelo çend kitêbên kurdî(kurmancî, zazakî), çend kitêbên tirkî hatin firotin?

XXX

Vêsê min çer kompîtora xwe vekir Facebookê ev rismê min û Salihê Kevirbirrî nîşanî min da, fena ku bibêje, 14 sal berê Salih bûbû mîvanê te, belkî te ji bîr kiriye, ez tînim bîra te.

Ji bo ku ev xatira xweş ez anî bîra min ez sipasî Facebookê dikim û risim jî carek din parve dikim.

XXX

Vê dayika dildara Kurdistanê ji dil pîroz dikim. Kilama dilê hemû kurdan distirê.

XXX

Wele jiyan bê telewîzyon nabe. Jiyane heye jî ne xweş e.

Sê roj in gelşeke telewîzyina me çêbûye, em bê telewîzyon in. Hundur xalî ye, bêdeng e. Berê me çawa bêtelewîzyon debar dikir nizanim, lê nuha bê telelewîzyon û kompîtor û telefona desta jiyan qet ne xweş e. Lawikê me mîvanê me ye, ew li oda xwe ye. Ez û xanim jî li ruyê hev mêze dikin.

Xanim dibêje ne xema min e, radyo heye têra min dike.

Ez jî gav û seetê geh baz didim ber kompîtorê, geh diçim li ser dîwanê cî li xwe xweş dikim. Lê netîce bê Tv jiyan ne xweş e û weselam.

XXX

Mamoste pir jê hez dike

Zarokekî tembel hebû, rojekê bavê wî jê pirsî, got:

-Lawo xwendina te çawa derbas dibe, nabêna te û mamosteyê te çawa ye?

Lêwik got:

-Nabêna min û mamostê min pir baş e, pir ji min hez dike. Ji min ra got, sala bê ez û tu dîsa bi hev ra ne.

XXX

Camêrekî wê rojê şîretek li min kir, got, ”Zinar, bi kurdî tarîx nayê nivîsîn, ji kerema xwe ra dîrok binivisîne ji boy fêmkirinê”.

Hin kes çawa kanin şîretên wiha li xelkê bikin aqilê min nagire.

Tirkek tu carî ji tirkekî ra nabêje çima te filan gotin bi kar anîye, dibê tu wê bi kar neynî, filan gotinê bi kar bînî.

Her nivîskarek li gorî xwe sitîleke xwe, vokabulereke xwe heye.

Hin camêr ji vê zanînê bêpar in, lema jî wî heqî li ba xwe dibînin midaxeleyî zimanê xelkê bikin.