Tiştê anîn serê êrmenîyan anîne serê me kurdan jî

Beyana serokê Amerîkayê Joe Bîden a li ser naskirina Jenosîda Êrmenîyan pir muhîm e.
Joe Bîden di beyana xwe da tiştên pir muhîm gotine. Ev qebûlkirina Joe Bîden tarîxî ye, hêjayî teqdîrê ye.

Osmnîyan êrmenî bi derbekê da ji ortê rakirin, tirk me kurdan ji 1923a û vir da ye hêdî hêdî ji ortê radikin. 

Yanî tiştê osmanîyan anîn serê êrmenîyan, tirkan jî anîne serê me.

Lê jenosîda me wek ya êrmenîyan ne deng daye, ne jî tê qebûlkirin.
Ez hêvî dikim dinya rojekê jenosîda tirkan anîne serê me jî wek ya êrmenîyan wiha qebûl bikin.
Beşek ji beyana Joe Bîden:

”Ji 24ê nîsana 1915a û pê da li Konstantînopolîsê berpirsiyarên osmanî dest bi girtina ronakbîr û serokên cimata êrmenî kirin, milyon û nîvek êrmenî hatin tehcîrkirin, hatin qetilkirin, bi sîyaseta îmhakirinê hatin kuştin. Em qurbaniyên Meds Yeghernê(Felaketa Mezin)şerefmend dikin, bi vî hawî ji bo ku dehşeta tiştên bûye di tarîxê da tu carî wenda nebe. Ji bo ku em li hemberî tesîra nefretê ya dirinde tim di tetikê da bin dibê em tim bibîr bînin.”

 XXX

Tirkan dîsa dest bi protestoyan kirine...

Wezîrê karên derve yê Tirkiyê Mevlud Çavuşoglu beyana serokê Amerîkayê Joe Bîden a li ser jenosîda êrmeniyan protesto kiriye, gotiye:

”Em beyana serokê Amerîkayê ya li ser bûyerên 1915a qebûl nakin û bi şîdet protesto dikin.”

Joe Bîden îro gotiye ew bûyerên 1915a wek jenosîd qebûl dikin. Bîden di beyana xwe da li ser jenosîda êrmenîyan gelek tiştên muhîm gotine.

Bîden, serokê Amerîka yê pêşî ye vê gotinê bi kar tîne.

Li ser vê beyana Joe Bîden, tirk ketin dorê, yek bi yek beyana Joe Bîden protesto dikin.

Do, di medyaya tirk da piştî min xeberên li ser hevdîtina Erdogan û Bîden a bi telefonê xwendin min zanîbû fis ne oxir e, îşê Reîs xerab e.

Di nivîsa xwe ya do da min got, wer xuya dike, ”Bîden rû nedaye efendî, lema jî tiştekî nabêjin. Rewşa efendî xerab e.” Ev destpêk e, rewşa Reîs ewê gelkî xerabtir bibe.