Li gorî Rûdawê nivîsîye Tirkiyê îsal, di 11 mehên borî da di
bombebaranên herêma Amediyê û Duhokê da 14 gundî kuştine.
Ji ber bombebaranên balafirên tirk tirsek mezin di nava
xelkê herêmê da belav bûye û hatin û çûna navbera gundiyan qut kiriye. Ji tirsa
bombebaranên balafirên tirk hin gundiyan zarokên xwe ji xwendingehan
derxistine.
Hisên Mihemedê ji Amediyê ji Rûdawê ra gotiye:
”Balafirên Tirkiyê bi berdewamî herêmê bomberan dikin û ji ber wê yekê mamoste nayên dibistanên wan û zarokên wan ji xwendinê bêpar dimînin.”
Tirkiye bûye rêbir û zorbayê herêmê, welatan dagir dike, gundên welatên cîran bombebaran dike û hemwelatiyên welatên din dikuje û jê ra dimîne, kes nikane bibêje çima hûn vê zulmê li me dikin, kes nikane dersekê bide wan…
Ne hukûmeta Kurdistanê dengê xwe dike û ne jî Bexda. Û ji ber wê jî mêrikan bûne dîkê qoqo yê herêmê, dilê wan çi bixwaze wer dikin…
Îsal 14 kurd kuştine lê hukûmeta Kurdistanê ne doza tiştekî li wan kiriye û ne jî dilê xwe ji wan hîştiye.
Inga kommentarer:
Skicka en kommentar