Gerek meriv bi her derewê nexape

Yekî  kûr, yekî, kerr, yekî kût gihîştibûn hev, bi hev ra dimeşiyan.

Yê kûr gotiye, ”ez reşekê li hember dibînim.!
Yê kerr gotiye, ”dengek tê guhê min.”
Yê kût gotiye, ” law ka em birevin.”
Merivê kûr tiştekî nabîne, yê kerr tiştekî nabihîze, yê kût jî nikane bazde.
Tiştê nebe nabe, dibê meriv jê nebawer be, bi her derewa tirkan nexape.

Qantir nazê, deve hilnakişe ser xaniyan. Erdogan û Bahçelî tu mafî nadin kurdan
Hukûmeta Erdogan û Bahçelî çiqasî xweş bikin, çi demagojiyê li hev bînin jî dibê meriv bizanibe nabe, vir e, ji wan ji kurdan ra tiştekî baş sadir nabe.
Yê elimî ji yê cahnimî xerabtir e. Serokên Tirkiyê xerab in, baş nabin, dibê em viya bizanibin.

XXX

Carnan hesabê mal û çarşiyê li hev dernayê.

Li mal ji hesabdar wetnê ew hesabê xwezane, lê li çarşiyê hesabê wî şaş dertê.

Erdogan û Devlet Bahçelî û Hakan Fîdan rûniştin, li ser Evdila Ocalan û Qendîlê hesab li hev ragirtin.

Lê piştî du serdanên Îmraliyê hesabê wan pûç bû, kemîna wan têk çû.

Ji hev ra çi gotin, li ser çi li hev nekirin, Omer Çelîk çima got "çûn hatina Îmraliyê êdî paydos" em nizanin. Lê bizin bi dizî tê nêrî, eşkere dizê. Nuha ewê eşkere bibe çima li hev nekirin, Evdila Ocalan çima daxuyanîyek neda?

Erdogan, Bahçelî û Fîdan nuha korpoşman rûniştine, hevdu teselî dikin, ji hev ra dibêjin, îcar nebû bi xêr carek dinê.

Careka din ewê fêlbazîyeke din biceribînin. Fen û fût, karê merivê rût.