Aqilê tirkan û mohra Kurdistanê

28/2-2006
Netkurd
Li gorî rojnameya tirkî Zamanê nivîsîye, wezareta hundur ya Tirkiyê bi qerarnameyekê diyar kiriye Tirkiye ji nuha û pê ve mohra ”Herêma Kurdistanê” qebûl dike. Kesên li ser peseporta wan mohra Kurdistanê hebe û bên Tirkiyê, Tirkiye ewê wan paş da venegerîne.

Lê dîsa li gorî eynî qerarnameyê, heger di peseporta yekî da navê cihê jidayîkbûnê ”Kurdistan” hatibe nivîsîn, Tirkiye ewê destûrê nede ew kes têkeve Tirkiyeyê.

De îcar were vî kerî di vî buhurî ra derbas ke!

Yanî tirk bi vê qerarnameya xwe ya bêdil, welatekî û mohra wî qebûl dikin. Lê qebûl nakin ku yek li wî welatî hatibe dinyayê.

Lawo bi rastî jî hin alimên Ewrûpî li we ne neheq in, dema dibêjin ”tirk ehmeq in”, ya jî bi kêmasî ji ewrûpiya kêmaqiltir in.

Hey korfahmên ji korfahman!, ma ne dema meriv hebûna bajarekî ya jî welatekî bi hawakî fizîkî qebûl bike, wê demê pir normal e ku însan jî li wî bajarî û li wî welatî werin dinyayê.

Ma welatekî ku miriov lê neyên dinyayê heye?
Dema welatek hebe, mecbûrî însan jî ewê li wî welatî ji dîya xwe bibin, werin dinê.

Ji bo ku meriv vê yekê qebûl neke, dibê ya meriv tirk be ya jî ji ehmeqan jî ehmeqtir be.

Ez nizanim ez ji we ra çi bibêjim?
Hema Xwedê aqilekî bide we!

 XXX

Topa Xwedê Ez nizanim topa xwedê çima tim li mixalifên PKKê dikeve. PKKê dîsa destên xwe di xwîna hevalekî xwe gerand; Feysel Dunlayicî jî kuşt. Lê PKKê heta nuha bi hawakî vekirî û resmî qetil negirtiye ser xwe. Herçiqas di vê nabênê da dest bi propegendeya ku “Feysel ji roja ji diya xwe bûye û vir da ajanê gelek dewletan e” kirin jî lê vekirî negotin em in, heta bi beyanekê gotin ”me ew nekuştiye”. Lê ez nizanim çima topa Xwedê, hema tim dihere li rebenên ku ji PKKê veqetiyane dikeve, rojekê ji rojan hema ji qeza qudretê ra jî be naçe li Dûran Kalkan, ya jî li serokekî din yê PKKê nakeve. Tu dibêjî qey Ezraîlê Xwedê Teala tenê xwe daye bende kesên ji ku PKKê vediqetin, hema kî veqete ezraîl wek ”melekê mewtê” li ser piştê ye, ya gullebaran dike ya jî bombeyekê dixe turimbêla wan û tavilê ruhê wan distîne. Dîyar e kesê ku dixwaze li vê dinya ronak hinekî din bijî, divê xwe şaş neke û ji PKKê veneqete, roja veqete divê bizanibe ku ”ezraîl” li pê ye, zû dereng ewê li derekê bê(ba)lê bîne û ruhê wî bistîne.  XXX OS û medelyeyên tirkan OS a îsal ya li Îtalyayê li bajarê Turînê, him vekirina wê û him jî girtina wê bi rastî jî muhteşem bû. Îtaliyan kat û deqîqeyên zû bi zû nayên jibîrkirin bi sporhizan û bi gelên cîhanê dan jiyandin. Mala wan ava! Wek tê zanîn ”birayên me yên tirk” jî bi hela hela û bi qerepereyeke mezin tevî OS a îsal bûn. Ez qet ji bîr nakim, di merasima vekirinê da sporciyên wan çawa ji her kesî bêtir xwe dihejandin û alaya xwe li ba dikirin. Meriv digot, weleh vana medeleyekê jî ji kesî ra nahêlin, ewê hemûyan qor bi qor têxin hustuyê xwe û bibin Tirkiyê. Lê ji ber ku ez malê xwe nas dikim, min dizanîbû ku nikanin tu jahrê belav bikin. Loma jî min ji xwe ra got Zinar, qet xema nexwe dîsa li dawiya her kesî ne.Ya girîng ne libakirina alê ye, netîce ye. Dema hûn jî wek xelkê hustuyê we tije medelye vegeriyan welatê xwe, wê demê libakirina alê li we helal be. Lê malneketa yek medelye jî negirtin. Bira medelye jî li wir bimîne, ji ber ku ew hîn negihîştine dereca medelyegirtinê, feqîrên Xwedê, di tu beşî da neketin rêza deh û panzdan jî. Yanî wek hespa kulek tim li dawiya suwaran bûn. Tenê di dansa ser bûzê da ”Tûgba Kandemîra” wan bû 21emîn. Diyar e sporên wiha ne biranş û karê “birayên me yên tirk” in. Ew di hin “sporên” din da gelkî jêhatî ne. Heger OS a eroîncîtî û jinfiroşiyê(çimkî li Ewrûpa tîcareta narkotîka û jinan di destê tirkan da ye), qaçaxçîtî û sextekariya her tiştî hebûya bê guman “birayên” me yên tirk bi rastî jî medelye ji kesî ra nedihîştin. Ez bawer dikim di hustuyê xwe kirina.