Hin însan hene bi çend zimanan zanin, merivên zane ne, kar ji destan tê, lê tembel in, ya jî bîr nabin, ji gelê xwe ra karekî baş nakin. Zanîna xwe, hunera xwe bi xwe ra dibin gorrê.
Lê hin kes jî hene pir bi ezm û bi xîret in, wek mûriyan
dixebitin, ji gelê xwe ra kevirekî didin ser kevirekî, li dû xwe tiştekî dihêlin.
Kekê Zîya Avcî jî yek ji wan kesên bîrbir û bi xîret e, di 30 salên dawî da li dora 50-60 kitêb ji soranî wergerandin kurmancî, herfên latînî.
Di nava me da bi sedan kesên ji wî baştir soranî û elîfebaya erebî zanin hene, lê bi kêrî tiştekî nayên.
Ziya Avcî, çi zane, çi ji destan tê, kane çi bike, dike. Ev yek hêjayî teqdîrê ye.
Xwezî her kesê kar ji dest tê wek vî camêrî xebatkar û berhemdar bûye.
XXX
Her kurd kane li dijî
dagirkeriyê tiştekî bike.
Meriv bi hev ra, bi zarokên xwe ra bi kurdî bipeyive, bi kurdî
binivîse, kitêbên kurdî bixwîne ev jî şerekî li dijî dagirkeriyê ye.
Tu dibêjî te welatê min dagir kiriye, lê ez te û zimanê te
qebûl nakim, tu ne yê vê axê yî....
XXX
Ji bo ku Kurdistan çê nebe, ji bo ku li tu beşekî Kurdistanê
kurd ji bindestiyê xelas nebin, tirk amadene Tirkiyê bikin Afganîstan, bikin
Somalîya, bikin Lîbya û Sûrîye. Heta kanin dîn jî biguherînin, bibin xiristiyan
ji bo ku Amerîka û ewrûpî alîkariya kurdan nekin.
Çimkî welatên misilman giş temam in, ew hevalên wan in. Yên
mane ewrûpî ne.
Lê ew jî ne dîwarekî saxlem in, meriv nikane piştrast pişta
xwe bispêrê, hertim kane bi ser meriv da bihedime.
Ji xwe heta nuha çend caran bi ser meda hedimî, em di bin da
man,ev bêbextî bi me ra kirin.
Inga kommentarer:
Skicka en kommentar