Charles BUKOWSKİ: Gelo ez Xwdê nas dikim û fêm dikim?

Min ev nivîsa Charles BUKOWSKİ balkêş dît, kêfa min jê ra hat. Min wergerand kurmancî. Min got bira bi kurmancî hebe.

-Gelo ez Xwdê nas dikim û fêm dikim? Nas dikim, lê nikanim fêm bikim.
Tu zanî Sebastîan, carnan ez ji Xwedê qet tiştekî fêm nakim.
-Te got Xwedê efendîyê min? Kîjan Xwedê?
-Ew çi gotine Sebastîan? Ma çend Xwedê hene ku?

-Nizanim ezbenî. Bi ya te çend heb Xwedê hene?
-Helbet Xwedêyek heye Sebastîan. Ew jî ew Xwedayê em zanin e. Ewê edaletê bicî tîne.
-Te got edalet ezbenî? Kîjan edalet?
-Edaleta li ser ruyê dinyayê û ya li dinya din Sebastîan.
-Ezbenî min efû bike, lê ez li ser ruyê dinyayê nikanim edaletê bibînim.
-Tewşomewşo nepeyive Sebastîan. Helhbet li dinyayê edalet heye.
-Bi ya min tuneye begê min.
-Çima tu wiha difikirî Sebastîan?
-Ji ber ku heger li dinyayê edalet hebûya begê min, lawekî gundiyekî feqîr hebû, ew jî di herbê da nedimir û lawên qirêl jî îro ne li heyatê bûn. Çimkî ew lawikê bi tenê ji bo ku lawên qirêl jiyaneke rehet bijîn mir.
-Dev ji van gotinên tewşomewşo berde Sebastîan! Lawê wî feqîrî ji bo welatê me mir û şehîd bû. Şehîdî, ji bo însanekî rutbeya herî bilind e. Rutbeya şehîdbûnê ji qiraltiyê jî bilindtir e.
-Wê çaxê qey qiralê muhterem lawê xwe û hetta ji xwe qet hez nake ezbenî.
-Çima te wiha got Sebastîan?
-Çimkî rutbeyeke bilind a wek şehîdketinê heye, lê ji dêlî wê bi qiralbûnê qîma xwe tîne ji ber wê ezbenî.
-Ez te fêm nakim Sebastîan. Tu dixwazî çi bibêjî?
-Tenê dixwazim rastiyan bibêjim ezbenî.
-Belkî tu dîn bûyî Sebastîan. Xwedê aqil bide te.
-Kîjan Xwedê ezbenî? Yê edaletê belav dike?
Ya jî yê li hemberî hewqas bêedaletî xwe kerr û lal dike?
-Tu çi gotinên berradayî dibêjî? Tenê yek Xwedê heye. Tu wî nas nakî?
-Çi heyf di nava nasên min da qed Xwedê tune ye begê min. Jixwe zêde nasên min jî tune ne. Ez meslekdaşê xwe yê xulamê koşka li kêlek me Fîlîp, Morîsê nalbendê gundê me û gundiyê bêçare yê lawê wî di herbê da hat kuştin tenê nas dikim ezbenî. Lê ez yu Xwedê´yî nas nakim. Hûn nas dikin?
Ji notên kokimê pîsik.

Charles BUKOWSKİ

Wergera ji tirkî
Zinarê Xamo