Kurmancî kirine porê dînan

Bi vî aqilî emê kurmancî bikin zimanekî kurmanc jê fêm nekin. Musebibên vê jî hin kurmancên bi ber bayê soranan ketine, hin gotinên wan yên naylon kopî dikin, kurmancî kirine porê dînan.

Sernivîseke malpera Rûdawê wiha ye: ”Erebekî hawirde li Efrînê zarokekî Kurd kuşt û cenazeyê wî avêt bîrê”
"Erebên hawirde li Efrînê bicî dikin."

Ez nizanim ”hawirde” çi ye, min li ferhengên dijîtal nêrî. Li gorî ferhengan ”hawirde” îtxalat e. Ferheng dibêje, ”bûjenên ku ji derve hatine standin”.

Peyva ”bûjen” cara pêşî ye dibihîzim, maneya wê nizanim. Lê ji gotinê wer xuya dike ”bûjen” di maneya mal, malzeme da hatiye bikaranîn. Yanî ”hawirde”, mal û malzemeyên, tiştên ji derve tên îtxalkirin.

De îcar erebên dagirker, mahcir çawa dibin ”hawirde”, yanî îtxal?

Îxrac, meriv tiştekî difroşe derve, îtxal jî meriv ji derve dikire.

Kurmancî ji gêrmiya gavanan jî xerabtir kirine. Êdî meriv sernivîsekê jî fêm nake.

ferheng dibêjin "hawirde" îtxalat e, malzemeyên ji welatên din tên kirîn, tên îtxalkrin.

Însan nayên îtxalkirin û îxrackirin.

Di çêkirina gotinan da dibê meriv hinekî cidî be.

Erebên Efrînê mahcirên dagirker in.
Ne hewceye meriv nadêrekê pêveke, meriv dibêje ereban li Efrînê bi cî dikin.

Dema meriv li gundekî, li cimatekê bibêjî "erebên hawirde" xelkê çi fêm bike?

Jixwe "hawirde" jî navdêreke beradayî ye, dewsa îtxalê nagire.
Tirk hewqas sal in xwedî dewlet in hîn jî dibêjin îtxalat û îxracat. Soranên me wek fabrîqê gotinan çêdikin.

Hin kurmancî di cî da wan tiştên berradayî kopî dikin. Bi tiştên wiha kurmancî dewlemend nabe, bi pêş nakeve. Belovacî wê xera dibe, dibe zimanekî milet jê fêm neke.