Di kurmancî da rastnivîsîna cînavan/zamîran

Di kurmancî da di cînav(zamîr, pronom)û tewangê da gelek caran şaşîtî tê kirin, gelek kes cînavan, zamîrên şexsî şaş bi kar tînin û di tewangê da şaşiyê dikin.

Cînavên/zamîrên şexsî du grûb in û wiha ne:

Grûba xweser: Grûba tewandî

ez                    min

tu                     te

ew                   wî/wê

em                   me

hûn                  we

ew                   wan

Ez dibêjim, min got.

Tu dibêjî, te got

Ew dibêjin, we got.

Em dibêjin, me got.

Hûn dibêjin, we got

Ew dibêjin, wan got

Cînavên pirsiyarkî du grûb in.

Grûba xweser û grûba tewandî

Grûba xweser ”kî” ye û ya tewandî jî ”kê” ye.

Grûba xwese:

kî, kîjan.

Grûba tewandî

kê

kîjanî (ji dêlî navdêrên nêr)

kîjanê(ji dîlî navdêrîn mê)

kîjanan(ji dêlî navêdêrên pirhejmar)

Grûba xweser

kî dibêje?

ez dibêjim.

Kîjan baş e?

Ev xortê hanê baş e

Kîjan baş e?

Ev keça hanê baş e.

Ev kitêb ya kê ye?

ya Zelalê ye

Ev kitêb ya kê ye?

ya Azad e.

Grûba tewandî:

kê

Ev qelem ji van ya kîjanê ye?

ya Zelalê ye.

Ev qelem ji van ya kîjanî ye?

ya Azad e.

Kî

Kî vê fêsadiyê dike ?

Bi texmîna min ya Beko dike ya jî Zerûg.

Kê

Kê ev fêsadî kir?

Bi texmîna min ya ya Beko kir ya Zerûgê

Li ser nivîsîna cînavan di kitêba Mistefa Aydogan(Rêbera Rastnivîsînê, di rûpel 177-178a da agahiyên berfireh hene. Min ji wir feyde girt.

Ev kitêba Mistefa Aydogan ji bo rastnivîsîna kurmancî çavkaniyeke pir hêja ye. Dibê ev kitêb li ber destê, di kitêbxaneya her kurdî da hebe.

”Rêbera Rastnivîsînê” ko ji bo rêkûpêkkirina qayîdeyên rastnivîsîna kurmanciyê û jiholêrakirina tevliheviyên di warê nivîsandina kurmanciyê de hatiye amade kirin li Stenbolê di nêv weşanên Rûpelê de derket.

Di berhemê de navên bajar û navçeyên Kurdistanê, navên welatan digel navên paytext û pereyên wan, navên roj û mehan, qayîdeyên herfên girdek û hûrdek, kurtkirinên ko zêde tên bi kar anîn, qayîde û rastnivîsîna cihnavên kesî, rengdêr, lêker û navdêran bi vegotin, mînak û tabeleyan bi berfirehî û bi awayekî hêsanî bên fêm kirin, hatine şîrove kirin."
Nefel 12/1-2013