Rojekê Konfuçyus dema li çolê bi şagirdên (xwendevanên) xwe ra digeriye rastî jinekê hat. Bala xwe dayê jinik digrî.
Konuçyus ji jinikê pirsî, got tu çima digrî?
Jinikê got:
-Li vê herêmê pilingek heye. Hemû malbata min kuşt. Lema ez digrîm.
Konfuçyus got:
-Wê demê çima tu naçî dereke din?
Jinikê got:
-Çimkî li vir dewleteke zulmê li însanan dike tuneye.
A hemû mesele ev e.
A ferqa Tirkiyê, Îranê û dewletên Asya û Afrîka û Ewrûpa û Amerîka û Japonyayê ev e.
Însan ji Tirkiyê, ji Îranê, ji welatên ereb, ji Çînê û ji dewletên Afrîka û Asyayê ne ji ber feqîriyê tenê, ji ber zulmê, ji ber tunebûna azadî û demokrasîyê jî direvin.
Li Swêd yek însan jî ji ber zulma dewletê nareve.
Ji Almanyayê yek alman jî ji ber zulma dewletê nereviyaye Tirkiyê.
Lê ji Tirkiyê û Kurdistanê bi milyonan kurd û tirk ji ber zulma dewletê reviyane Almanyayê Ewrûpayê. Li dinyayê welatê ereb, tirk û kurd lê tunebin tuneye.
Inga kommentarer:
Skicka en kommentar