Hin însan qet li ber xwe nakevin!

Ev çend caran di kanalên telewîzyonên tirk da ez li minaqeşeyên Mehmet Metîner bi kurd û tirkan ra temaşe dikim.
A nuha jî min li minaqeşeya wî û Altan Tan temaşe kir.
Weke hercar, Altan Tan jî ew rezîl kir û riswa kir, got te perê PKK-ê xwariye û tixtor destûr daye te, du dikanî her pîsiyê bixwî û gelek heqaretên din…
Heta nuha min gelek caran li minaqeşeyên vî Metînerî temaşe kiriye, çi bi tirkan ra û çi jî bi kurdan ra, bi kê ra jî minaqeşe bike wî rezîl û riswa dikin, dixin binê erdê, gotinên nemayî jê ra dikin.
Lê ev binîadem qet ne xema wî ye, tu dibê jî qey ruyê wî ji çermê gê ye, ne fedî dike, ne jî li ber xwe dikeve.
Her roj derdikeve telewîzyonekê û hercar jî xelk eynî tiştî tînin serî, gotinên wiha jê ra dibêjin ku kûçik pê har dibin!
Lê qet nexema wî ye.
Weke pêlewanê ji têkçûn û gevizandinê têr nebe, ew jî tu carî ji pîsbûnê têra nabe.
Xelk çuqasî pişta wî didin erdê, wî di erdê digevizînin, pozê wî difirikînin jî qet li ber xwe nake, nabêje weleh ez merivekî bi sabîqe me, herkes poxê min dizane û dema gotin li gotinê dikeve xelk van kêmasiyên min didin ruyê min û ji min ra dikin serhevde, ya baş ew e ku ez hevza xwe bikim.
Di her minaqeşeyê da xelk, min li hemberî milyonan pîs dike, malbata min, jina min, zarokên min li van gotin û heqaretên xelkê guhdarî dikin.
Loma jî ya baş ew e ku ez ne derkevim minaqeşeyên wiha û ne jî bira xelk tim wiha min boyax bike, bi xurûr û heysiyeta min bilîze…
Li hemberî vê bêariya Mehmet Metîner ez matmayî mame, çend teorî meorî û tişt miştên ez li ser qerekter û psîkolojiya însên dizanim yek jî tê ra fêmkirina şexsiyeta vî camêrî nake.
Xwedê kir ez ne merivê wî me, ez merivê wî, bav û ya jî birayê wî bûma minê ya ew bikuşta ya jî xwe…
Xwedê dujminê min jî nexwe vî halî!
Nuha piştî wan gotin û serhevdeyên Altan Tan ku îşev jê ra gotin, gelo lawê wî, bira, bav û xanima wî çi hîs dikin û çi difikirin?
Bawer bikin, xanima wî ne meriva min, hema Wêranşarî jî bûya, min nedihîşt rojekê jî li ba wî bimîne, minê tavil jê bistenda.
Min qebûl nedikir ku li hemberî milyonan her roj li zavayeyekî wêranşariyan wiha heqaretê bikin û wiha di çamûrê vegevizînin….
Hûn rastiyê dixwazin Metîner çiqasî pîs be jî ez bi vê pîsbûna wî kêfxweş nabim, ez dibêjim heyf, xwezî kurdek neketa vî halî û loma jî pê diqeherim…