Dema leşkerên îsraîlî serê zarokekî filistînî dişkînin
Neteweyên Yekgirtî tavilê bi beyanekê Îsraîl mahkûm dike.
Tirkiye ev meheke gund û bajarên rojavayê Kurdistanê topbaran û bombebaran diike.
Heta nuha herî kêm hezar însan kuştine.
400 hezar însan koçber bûne.
Du bajar, Serêkaniyê û Girê Spî ji alî Tirkiyê ve hatine dagirkirin. Çeteyên Tirkiyê malên xelkê talan dikin û vîdeoyên talanê belav dikin.
Tiltemir her roj ji alî Tirkiyê ve tê topbarankirin.
Yanî ev meheke Tirkiye û çeteyên wê yên îslamî li rojavayê Kurdistanê agir bi ser kurdan da dibarînin, bi hezaran însan hatine kuştin û perîşan bûne. Lê Neteweyên Yekgirtî hîn heyetek neşandiya rojavayê Kurdistanê, hîn raporek li ser rewşa sivîlan belav nekiriye. Ev ne bes sekreterê NY Guterres diçe Tirkiyê û eniya Erdogan maçî dike û ji ber tiştên kiriye wî pîroz dike.
Tirkiye xerîban di malên kurdan da bi cî dike û demografiya herêmê diguhere.
Li Efrînê her roj xeberên revandin, şêlandin, talan û kuştina kurdan tên.
Lê li gel vê jî Neteweyên Yekgirtî heta nuha li dijî Tirkiyê beyanek dernexistiye û ev zulma Tirkiye li kurdan dike protesto nekiriye.
Bira protesto li wir bimîne, di ser da sekreterê NY çû Tirkiyê, hewildanên Erdogan yên ji bo koçberên Sûriyê pîroz kir û pêşniyara Erdogan ya dagirkeriyê pozîtîf dît, got emê li ser rawestin.
Ev jî nîşan dide NY ferqê dixe nabêna ereb û kurdan, gava zulm li kurdan bibe ji bo NY ne muhîm e, gava Tirkiye be destegê dide jeneosîda kurdan û dagirkirina rojavayê Kurdistanê.
Ev şêla NY rûşreşiyeke mezin e,
Gotinên Guterres yên li ser êrîş û dagirkeriya Tirkiyê di tarîxa NY da ewê wek lekeyek reş bimîne.
Dibê hemû kurd Neteweyên Yekgirtî û sekreterê wê Guterres protesto bikin, bêdengiya NY şermeke mezin e, nayê qebûlkirin.
Inga kommentarer:
Skicka en kommentar