Pêşiyên me, bav û kalên me pir zulm û neheqî dîtine, lema jî gotine "dinya xana kul û derda ye."
Rast e, "dinya xana kul û derda ye", lê ne ji bo her kesî û her miletî. Ji bo me kurdan bi rastî jî "dinya xana kul û derda ye."
Ez dibêjim ji xana kul û derdan hinekî xerabtir e jî. Xana bindestiyê û êsîrhaliyê ye.
Tu dibêjî belkî em kurd ji bo kul û derdan, ji bo zulmê bikşînin, ji bo bi sedsalan
bindest bimînin xuliqî ne.
Em bûne wek nokên tu li tahtê xînî, li her dera dinyayê belav bibin.
Lê dewleta tirkan
li sirgûnê jî me rehet nahêle, li Ewrûpayê jî wer li dû me ne, li van welatan
jî jiyan li me kirine jahr û zuqûm û zindan.
Erdogan Swêd jî li me kir Tirkiye. Tirkiyê û Swêd ji bo taqîbata kurdan bi hev
ra komîte avakirine.
Pûlis û îstîxbarata Swêd bi îstîxbarata Tirkiyê re li pey
kurdan in. Yanî Swêd jî êdî ji bo me kurdan bûye Tirkiye.
Li welatên din jî kêm zêde rewşa me ev e. Çimkî em miletekî bêdewlet in. Miletê
bêdewlet wek kesê bêkes e, bêpişt e, kes jê natirse, her kes kane zulmê lê
bike.
Însanê bêdewlet dibe wek kûçikê bêxwedî, wek kûçikê kuçe û kolanan, bêxwedî,
bêsitar e.
Li be me kurdan riyek tenê heye, ew jî dibê em bibin xwedî dewleteke serbixwe,
dibê Kurdistan çêbibe.
Kurdistan çênebe şansê me yê jiyanê tune ye, taliya me, aqûbeta
me jî wek ya asûrî-suryaniyan e, emê bibin tirk, ereb û faris, alman, swêdî,
îngilîz, danîmarkî, norwecî....
XXX
Pûlisên Tirkiyê nabênê nadin girtinên kurdan. Ji do da ye
mêrikan wek gurên har bi kurdan ketine,qefle bi qefle digrin ser malên kurdan û
terora xwe nîşanî me cîhanê didin.
Ji mixalifên hukûmetê deng dernayê, kes tiştekî ji hukûmetê
ra nabêje, gişan xwe kerr û lal kirine.
Çimkî yên tên girtin kurd in, lema kes dengê xwe nake. Heger
eynî operasyon li hemberî tirkan bihata kirin partiyên tirk ewê li dij
derketina, hukûmet rexne bikirana.
Lê ji ber ku yên hatine girtin kurd in dengê xwe nakin. Giş xerabên ji hev
xerabtir in. Dostê kûçik tajî ye.
Inga kommentarer:
Skicka en kommentar