Kurdê ne kemalîst be rismê Ataturk wek diyarî qebûl nake

Serokê belediya Stenbolê Ekrem Îmamoglu, îro gava diçû Batmanê nîkehekê, begefendî nefsbiçûkiyek mezin kiriye û riya xwe bi Diyarbekrê jî xistiye û li Diyarbekrê bi serokê belediya Diyarbekrê Selçûk Mizrakli, Ahmet Turk û berpirsiyarên HDPê ra jî hevdîtinek kiriye.

Ev nîna ye. tirnîna hîn maye

Li Îdlibê, li Sûriyê îşî Reîs û Tirkiyê pir zor û pir xuya dike. Bi qasî xuya dike rica ji Pûtîn pere nekir, Sûriye nasekine.

Ji do da ye ji Idlibê bi hezaran malbatên cîhatçî û daîşiyan li ber sînorê Tirkiyê kom bûne û dixwazin derbasî Tirkiyê bibin. Lê belê leşkerên tirk nahêlin, rê li ber milet digrin.

Li gorî vîdeo û xeberên di medyayê da belav bûne, leşkerên tirk milet gaz û gulebaran dikin…

Têra me herduyan dike

Xort çer çav li keçika pir bedew ket, hişê wî ji serî çû, dilê wî ketê û teklîfa zewacê lê kir.
Keçikê got:
-Lê belê ez ji te hez nakim.
Xort qet xwe nexeyidand û got:

Îdeolojî

Îdeolojî gelekê caran rê li ber fêrbûnê digre, însanan qarixî, kor dike, dike mirîd.

Gava meriv têkeve bin bandora wê, haya meriv ji mirîdbûna meriv çê nabe, meriv pir rehet e.

Xwedêgiravî îdîa û armanca îdeolojiya marksîzmê ew bû ewê ferdên ji her miletî, ji her welatî, ji her rengî û ji her dînî bianiya ba hev, bikira dost, heval û birayên hev.

Gerek em di nava gelê tirk da vê ankêtê bidin çêkirin!

Dema meriv irqçîtîya tirkan rexne dike, dibêje tirk wiha dijminê me ne, wiha neyartiya me dikin, hin kes îtîraz dikin, dibêjin efendim sûcê milet tuneye, yê zulmê li me dike dewlet e, hukûmet in, lema jî ne rast e meriv gel, milet sûcdar bike, filan bîvan…

Kî bi çi zimanî binivîse ji wî zimanî ra xizmetê dike

Kurdê bi tirkî bistirê stranbêjê tirkî ye û ji muzîka tirkî ra xizmetê dike û kes jî nabêje ne wisa ye, vê yekê rexne dikin, dixwazin ew bi kurdî bistirê. 

Kes nabêje kurdên li tirkî guhdarî dikin hene, lema dibê bi tirkî bistirê.

Lê gava bi tirkî dinivîn, dibêjin kurdên bi tirkî dixwînin hene, em ji bo wan bi tirkî dinivîsin. 

Heger mesle zanîna tirkî ye wê demê dibê meriv stranbêjiya bi tirkî jî rexne neke. 

Zimanê şîrîn mar ji qulikê derdixe

Rojekê Charles Schwab li fabrîqeyeke polayê digeriya. Bala xwe dayê hin karkir cixarê dikşînin.

Li hundur fabrîqê cixare kişandin yasax bû û li ser dîwarê karkir li ber dixebitin jî nivîsa ”cixare kişandin yasax e” bi dardekirî bû.

Charles Schwab li karkirên cixare dikşandin nêrî, lê ji wan ra negot, “çima hûn cixarê dikşînin, ma xwendina we tuneye? 

Ji dêlî wê, derxist proyek îkramî wan kir û got:

Îro em çi bikin ji bo me baş e?

Gelo em kurd îro çi bikin, kîjan xebatê bikin ji me ra hîn baştir û bi fêdetire ?

Ex dibêjim baştir e meriv giraniyê bide zimanê xwe, yanî kurdî bi pêş xe, fêr bibe û bide fêrkirin.

Îro roj gava meriv bixwaze her kurd kane dev ji twîttên bi tirkî berde û bi kurdî binivîse. 

Her kurd heger bixwaze kane vê micadelê li hemberî tirkan bide. Îro ev micadele ji hemû şiklên xebat û micadeleyên din, ji şer jî bi fêdetir e. Dibê em kurdîtiyê, nasyonalîzmê xurt bikin.

Cahil û cehalet

Cahil gava haya wî ji nezaniya wî, ji cehaleta wî tunebe pir bêedeb, kustah dibe.
Ji bo wê jî meriv nikane bi merivê cahil ra derkeve serî. 

Cahil kane bibêje tu ferq di nabêna tirpê û sêvê da tuneye, meriv kane ji sêvê ra bibêje tirp.

Ziman û qiralê Îngilîstanê

Dibêjin rojekê ji Qiralê Îngilistanê pirsîne, gotine: 

                   
-Heger rojekê tu mecbûr bibî di nabêna Împaratoriya Brîtanîya Mezin û artêşa(fîloya) deryayê da tercîhekê bikî, tu yê kîjanê tercîh bikî?

Qirêl gotiye:

Bizin çû

Keçik li bin darê rûniştibû risim çê dikir. Bavê wê bala xwe da kaxeta di dest da vik û vala ye. Jê pirsî:
-Tu rismê çi çê dikî keça min?
-Ez rismê bizineke li mêrgê diçêre çê dikim.
-Ka gîha li ku ye?

Her kes ji aqilê xwe razî ye

Di vê cîhana medyaya sosyal da bi hezaran tiştê bi meriv pir vala û berradayî tên hene, meriv her roj rastî bi sedan nivîs, şirove û gotinên bêmane û berradayî tê. 

Li gorî meriv gotinên pir bêmane, vala û berradayî ne. Lê tu bala xwe didê bi dehan, bi sedan însan diecibîne. 

Yanî tiştê bi meriv vala, bêmane, berradayî tê, bi gelek kesan pir rast û hêja tê dîtin.

Carnan ez ji xwe ra dibêjim, ev însanên mest mezin, rîsipî û porsipî çawa dibe van gotinên tewşo mewşo dibêjin û hewqas kes jî diecibînin ?

Ez dibêjim gelo yê dîn, yê ne biaqil ez im ya jî dîn û kêmaqil pir in ?

Ez çi bibêjim, her kes ji aqilê xwe razî ye...

XXX

Carnan gava meriv kurmanciya yekî rexne dike, ya jî gava ji yekî ra dibêjî filan gotin şaş e, wiha nayê gotin, dibê wiha be, di cî da ji te ra dibêje "ev devoka me ye, li ba me wiha dibêjin."

Bêguman di kurmancî da gelek devokên ji hev cihê hene, ev rast e.

Lê hin caran însan şaş dinivîsin, çewt tê bîrê, yanî ne devok e, lê dibêje ev devoka min e.

Bi baweriya min hin çewtiyên îmlayê, gramerê, nêr û mê û hin gotinan her tim ne devok e. Dibê di vî warî da meriv bi îhtîyat be û di mesela devokiyê da hertim zêde îdîa neke. Tiştê meriv dibêje devok e, kane ne devok be, çewtiya meriv bi xwe be.

XXX

Vê nivîsa Sîrwan Rehîm bixwînin û ferqa ereb û kurdekî bibînin. Piştî min nivîs xwend, min ev komentara jêr li binê nivîsê nivîsî.

Bira, li qusûra min nenêre, lê belê tu merivekî pir bêxîret î, tu ne tiştek e!

Heger tu ne merivekî bêxîret bûya, heger pirçek şexsîyet û kurdperwerî bi te ra hebûya, te ev faşîstê ereb nedigirt û mala xwe bi erebekî bajarê te dagir kiriye û hewqasî neyarê qewmê te ye nedida barkirin.. te pê ra sohbet nedikir.

Ma li Almanya karkir nema tu diherî ereban dibînî? 

Kurdê pê ra xîret hebe mala xwe bi erebekî nade barkirin…

Te gotinên wî faşîstê ereb heq kiriye. Xortê ereb mêr e, lê tu ne tiştek e! 

Mêrik hewqas heqaret li te kiriye, dagirkeriya xwe parastiye, lê te jê ra tiştek negotiye, tu ji ba wî ranebûye û te dîsa jî mala xwe pê da ye barkirin.
Madê min ji te geriya…

Ali Kut Xamo, ez dibêm tu bilasebeb xwe hêrs dikî! Tu ecêbîyek di vê nivisê de nîn e, bilekis hal-rûhîyeta erebekî ku bûye penaber lê hê jî dev ji wê nijadperestîya xwe bernedaye radixîne ber çavan. Ango dide xuyakirin nijadperestî çendî ehlaqekî xirab e. Ê ereb tu heqaretan lê nake. ya din jî bi pereyê xwe karê xwe dikin. wele ez dbêm tu neheq e!

Zinarê Xamo M. Elî Kût, yê ereb bajarê wî dagir kiriye û dagirkirina xwe jî diparêze û belkî jî ketibe mala wî.
Yekî bajarê meriv, mala meriv dagir bike û wê dagirkeriya xwe jî biparêze, bibêje baş bû em ji kurdan xelas bûn, meriv karê xwe bi wî nade kirin.
Mêrik kurdan dijmin dibîne, ji kurdan nefret dike, lê yê kurd li hemberî vê irqçîtî û tecawiza wî teoriyên mirovahiyê çê dike, demagojiyê dike.
Meriv bi neyarekî wiha mala xwe nade barkirin.
Heger bike, ji bo te normal be jî, lê ji bo min ew ne tu meriv e.

Namûs !

Namûs cewhereke beşerî ya nayê xuyakirin e. Bi her kesî ra bi qasî hev tuneye. Bi hinekan ra hindik heye, bi hinekan ra pir heye û bi hinekan ra jî derhemk jî tuneye.

Gelekê caran hin kesên ji namûsê bêpar in wek merivên bi namûs xuya dikin, xwe wer nîşan didin.

Lê hinek jî hene bênamûsiya xwe qet venaşêrin, pir eşkere û him jî bi serbilindî, didin der, diparêzin.

Do di medyaya sosyal da min vîdeoyeke TRTkurdî ya çend dengbêjên mûşî dît. Kilam davêtin ser Erdogan, pesnê wî didan, ew bi asîmanan dixistin, şiîr li ser dixwendin, kilam li ser digotion. 

Ji bo leşkerên tirk li Efrînê, li Kurdistana rojava bi ser kevin û qira wan kafirên wir bînin ji wan ra dua dikirin. D.îmenekî dûrî aqilan bû.

Di jiyana xwe da min tu tiştekî ji vê vîdeyoyê rezîltir, bênamûstir nedîtiye. Ji do da ye ez di binê tesîra gotinên wan mûşiyan da me. 

Meriv hewqasî jî nabe neyarê qewmê xwe, hewqasî jî bênamûs û xayin nabe. Û gava bû jî hewqasî vekirî nabêje, lê wan dengbêjên mûşî digotin. Dixwestin leşkerên tirk qira kurdên rojava bînin û hemû Kurdistana rojava dagir bikin...

XXX

Xortanî û kalî
Di xortaniyê da roj kin in, sal dirêj in, lê gava meriv kal û pîr dibe, îcar bêxwediyên rojan dirêj dibin û sal jî kin dibin.

Îsal bi min wek hefteyekê zû derbas bû. Serê salê hîn do bû, lê wa ye meha heyştan jî dike biqede û sê mehên din ezê saleke din jî kal bibim. 

Bawer bikin sal wek trêna almanî ya ”schnellzug”, trêna lezgîn tên û diçin; hew dibînim sal qediya jî…
Bi vê trênê ezê zû bigihîjim hêniya xwe…

 XXX

Tu nêzî beroşê bibî ewê teniya wê di te bigere, tu nêzî xeraban bibî ewê bela wan di te bigre.

Lê carnan meriv ji belayê direve jî bela tê meriv dibîne, dibe mukir û dikeve deriyê meriv.

Ji do da ye belayek li ber deriyê HDPa Diyarbekrê rûniştibû û digot ez bela me û ji ber deriyê we ranabim... 

Axirê HDP îro bi silametî ji vê teniya bi don, ji vê qîrê, ji vê bela mezin xelas bû.

XXX

Yê dilê wî û gotina wî ne yek be sed zimanên wî hebin jî ew dîsa jî bêziman e.

///Mewlane

Hin kes hene dilê wan tiştekî dibêje, devê wan tiştekî din. Dema tu pê ra dipeyivî ne ya dilê xwe, ya dilê te xweş bike dibêje. Yanî li gorî şexsan şerbetê belav dikin.
Ev jî tiştekî nexweş e, dibê meriv bi xwe ra samîmî.

Ez û xortekî pir hêja...

Ez û biraziyê xwe Siwar Kawak

Îro ez çûm bajarê Uppsala şîna pesmamê kek Omer Sêxmûs û li şînê rastî xwendevanekî xwe yê pir hêja hatim. Ji zû da bû ez neçûbûm Uppsalayê.

Di sala 1980î da dema ez hatim Swêd, ez berê çûm Uppsala, min li wir îltîca kir. Dû ra min bar kir Stockholmê.

Yanî Uppsala bajarê minê pêşî ye, bîranînên min yên Swêd yên destpêkê li Uppsalayê dest pê  kirin.

Êdî ne heweceye meriv zêde dirê bike

Êdî kurdê herî saf, herî nezan, herî kêmaqil jî zanine tu pareke me di Tirkiyê da tuneye. 

Tirkiye tenê ya tirka ye û tirk jî li pê tunekirina me ne, dixwazin koka ma biqelînin, ji bo ku Kurdistan tu carî çê nebe...

AKP, MHP, CHP, VP, Iyi Partî qet ferq nake, hemû jî xwediyê vê armancê ne; me bikin tirk.

Tirk dibêjin ev dewlet ya tirkan tenê ye û dibê hûn kurd viya fam bikin

Tiştê tirk û siyasetmedarên wan îro ji me kurdan ra dibêjin ne nuh e, ji roja Tirkiye ava bûye û vir da ye dibêjin. Hinek vekirî û hinek jî sergirtî dibêjin.
 
Lê hemû dibêjin ev dewlet ya tirka ye û kurd tenê kanin wek bindestên tirkan û koleyan bijîn, wekî din tu mafekî kurdan tuneye.

Di salên 1930î da wezîrê edaletê Esat Mahmut Bozkurt(1892-1943) gotibû:

Ji bo çi Erdogan li hemberî kurdan hewqasî êrîşkar û bêperwa hereket dike

Ji bo çi Erdogan li hemberî miletê kurd hewqasî êrîşkar, bêperwa, bêhurmet, zorba û qanûnnenas hereket dike?

Tiştê ez fêm dikim Erdogan êdî bi riyeke demokratîk ne li pey rayên kurda ye, ji kurdan hêviya ray mayan nake. Erdogan dibêje kurd rayên xwe bidin kê jî ezê bi darê zorê, bi riya qeyûman ji wan bistînim, ezê rayên wan netê hesab bikim... 

Mange û beraz

Merivekî pir zengîn û gelk çikûs, tima hebû. Ji bo ku her kesî jê ra digot çikûs pir aciz dibû, nedixwest kes wer bibêje. 

Rojekê rabû çû ba zana û aqilmendê bajêr û gazinê milet pê kir, got:

Hukûmet dixwaze dest deyne ser hemû belediyên HDPê

Qeyûmê dewleta tirkan yê belediya Wanê Mehmet Emin Bilmez, meclîsa belediyê ya 71 kesî belav kiriye. 

Her wiha 12 serokên yekîneyan û gelek rêvbir û sekreterên giştî jî ji kar derxistine. 

Qeyûmên belediya Diyarbekrê û Mêrdînê jî eynî tişt kirin, wan jî hema hema hemû karkir û mamûrên herdu belediyan ji kar derxistin. 

Yê bibe bela rojekê ewê bela xwe bibîne

Serokên Tirkiyê wek paşayên îttîhatçiyan pir stûr bûne, agir kirine dawa xwe, bela xwe di Xwedê jî didin. Li herêmê bûne xwîna kera reş, kes naxwaze tê bigere. 

Li der û dora xwe huzûr ji kesî ra nehîştine. Bi dehhezaran çete li dor xwe kom kirine û bi van çeteyên ereb û îslamî gefê li vî û li wî cîranê xwe dixwin. 

Lê herî bêtir kanin bi kurdan, tepa wan ji ser serê kurdan ranabe. 

Tirk dibêjin em qebûl nakin kurd xwe îdare bikin

Hukûmeta tirkan ya îro qebûl nake li Kurdistanê yek belediye jî têkeve destê kurdên welatparêz, kurdên ne zilamên dewletê. 

Ji bo tirkan HDP ya jî partiyeke kurdî ya din qet ferq nake. Ji bo ku belediyeyên çend bajaran îro di destê HDPê ne êrîşî HDPê dikin û qeyûman didin ser belediyeyên wê. 

Li Tirkiyê hîmê faşîzmê hêzên îslamî ne

Li Tirkiyê û Kurdistanê tu wextê dîktatorî, zorbatî, zulm, bêhuqûqî û faşîzim bi qasî vê rejîma îslamiyan hewqasî barîz nebûye.

Ruh û îdeolojiya îslamiyên tirk ya rastîn faşîzm e, bi îktîdara AKPê ra ev yek baş derket ortê. 

Zêde li ba neke...

Zarokekî 12 salî bi îdîa tecawizî jineke 30 salî kiriye mahkime dibû. Abûqata wî jî jin bû. Abûqatê digot derew e, ev zarok nikane tecawizî vê jina mest û mezin bike. Di parastina xwe da pantor û derpê ji lêwik şeqitand û bi bilikê wî yê biçûk girt û li ba kir, got:

Dibê HDP çi bike?

Wek her kes zane dewleta tirkan îro dest danî ser sê belediyên kurdan û dîsa walî wek qeyûm tayin kirin. 

Dibê HDP çi bike?

Bi baweriya min dibê HDP ji meclîsê vekişe û êdî nekeve tu hilbijartinên parlamentoyê û dev ji ”partiya Tirkîyê" berde û bibe partiyek kurd û Kurdistanî.

Dewleta tirk dest danî ser sê belediyên kurdan

Hukûmeta AKPê ya tirkên îslamî serokê belediya Diyarbekrê Adnan Selçûk Mizrakli, serokê belediya Mêrdînê Ahmet Turk û seroka belediya Wanê Bedîa Ozgokçe ji wezîfê girtin û waliyên van hersê bajaran tayinî dewsa wan kirin.

Li gorî medya dinivîse avahiyên belediyên van hersê bajaran nuha di bin çember û hesara polîsên tirk da ye.

Kesî kes mecbûrî axaftina tirkî nekiriye

Dibê em xwar rûnin û rast bipeyivin, kes kesî mecbûrî axaftin û nivîsandina tirkî nake.

Kes li ser emir û fermana dewletê û partiyan bi zarokên xwe ra bi tirkî napeyive.

Erê tesîra zora dewletê û korfahmiya hêzên siyasî heye, lê belê însanan ne ji ber van sedeman dev ji kurdî berdane û bi tirkî dipeyivun.

Min hejîrên salê îro tahm kir

Xwarina hejîrên salê îro bû qismet û nesîbê min. Min îsal hîn hejîr nexwaribû. Îro min tam sê heb xwarin û yek jî da xanimê...

Ji fêkî herî bêtir ez ji hejîran pir hez dikim. Û ji şansê min ra ew jî li Swêd tuneye û gava tînin jî bi piranî kerrik in. Yanî hejîrên reş û zer yên wek lepan naynin.

Kurdê bixwaze Amerîka ji Sûriyê derkeve zilamê Tirkiyê û Daîşê ye

Îslamiyên faris, ereb û tirkan hêzên herî nasyonalîst in, ji bo kurd azad nebin û Kurdistan çê nebe ji her kesî bêtir neyartiya me dikin, serê me jê dikin.

Lê îslamîsyên me ji şansê me yê qahp ra heval û şûrkêşên hêzên dagirker û neyarên kurdan e, ji dêlî ew jî wek îslamîyên faris, ereb û tirkan ji welatê xwe ra bixebitin, ketine xizmeta neyarên xwe, piştgiriyê didin hêzên welatê wan dagir kirine û ew kirine bindest.

Spas ji te ra twîtt !

Twîttê hin fonksîyonên pir baş li xwe zêde kirine. Min nuha bala xwe da fonksiyonên nuh û rûpela statîstîkan. Ev cara pêşî ye ez lê dinêrim. Ez ne şarezayê teknîkê û van tişta me.

Ez twîtterê û facbookê pir bi sînor bi kar tînim, dest nadim hemû fonksîyonên wan, tiştên xwe belav dikim û tiştên xelkê dixwînim.

Gerek em ji welatê xwe hez bikin

Heta ez sax bim, heta ev ruh di vê bedena kal da hebe ezê ji bo sazadiya te û gelê xwe bixebitim, binivîsim welato !

Welato, ez, bi milyona kurd ji te hez dikin, em dildarên te ne. Emê te ji bindestiyê rizagar bikin. Me soz daye te û xwe. Bi sedhezaran kurdên canfîda ji bo rizgarbûna te dixebitin, bi hêzên dagirker ra di şer da ne.

Li ser Betlîsê û tarîxa kurdan kitêbeke pir hêja

Baran Zeydanlioglu 11 roj berê, di 5ê mehê da kitêba xwe ” Seyyahların Anlatımlarıyla BİTLİS ve AHALİSİ” ji min ra şandibû, kitêb îro gihîşt destê min. 

Tiştekî pir anormal e. 

Di normalê da posta nava Swêd roja din ya jî roja duduyan digihîje destê xwediyê xwe. 

Lê ya min tam 11 rojan ajot, roja 11a gihîşt destê min.

Lê Xwedê kir hat, ma nehata minê çi bikira?

Gelo tirk ewê bela xwe ji kurdan vekin?

Tirkiye nuha li Sûriyê ji daxwaza "herêma ewle" poşman bûye, dibêje "herêma ewle" ewê kurdên rojava jî wek kurdên başûr bike xwedî statû û dewlet.

Lema ne "herêma ewle", ne derxistina PYDê, îşxalê dixwaze, dixwaze hemû kurdan ji wir derxe û ereban li wir bi cî bike. 

Li Zanîngeha Mêrdînê beşê kurdî girtin

Zanîngeha Mêrdînê, bi navê wê yê din ”Zanîngeha Artukluyê biryara girtina Enstîtuya Zimanên Zindî, yanî biryara girtina beşê zimanê kurdî da.

Yanî dawiya xapandinê û derewan hat. 

Hukûmeta AKPê 10 sal berê li Zanîngeha Mêrdînê ev beşê kurdî ji bo xapandinê û armancake siyasî vekir. Lê nuha dawiya xapandinê û fêlbaziyê hat, lema jî digrin.

Kurdî di nav zimanên dinyayê da di rêza 9a da ye

Li gorî zanyariyên Wikipediayê belav kiriye li dinyayê zimanê ji alî gotinan ve herî pir dewlemend îngilîzî ye û kurdî jî di rêza 9a da ye.
Tirkî di rêza 20a da ye. 

Neûzû-Bîlah

Rojekê Tîmur Lenk ji Xoce Nesredîn ra gotiye:

-Xoce, her xelîfeyekî Ebbasî navek, leqebek li xwe kiriye, yekî navê xwe kiriye el Mutazım-Bîllah, yekî navê xwekiriye mutevekkîl-Ellah. Heger ez di dema wan da hukimdar bûma, gelo ewê çi nav li min kirina?
Xoce gotiye:

Zimanê me ketiye ber sikratê

Kurdî li ber sikratê ye û êdî her kes jî vê yekê dibîne. Meriv her roj rastî numûneyekê tê. 

Di nivîsa xwe ya berê da jî min qala Culemêrgê kiribû, ev numûne jî dîsa ji wir. Fermo bixwînin û bibînin zarokên Culemêrgê ketine çi halî.

Kes nabêje dewê min tirş e

Yê herî neheq jî, siyasetmedarê siyaseta wî herî şaş jî, kesê di himêza dijminê xwe da rûniştiye jî, kesê rahîştiye tivinga neyar jî, yê bi şev û bi roj di telewîzyonan da abûqatiye hêzên dagirker dike jî nabêje ez neheq im, ez li ser rîyeke şaş im.

Lê xelk dibîne kî çi ye, çi dike û hevalê kê ye...

Yên ji Koray Avciyê tirk ra li Silêmaniyê konserê çêkin kanin ala kurdî jî daxin

Li gorî hin îdîayên di medyaya sosyal da belav bûye Koray Avciyê tirk li Silêmaniyê li sahneya lê konser daye ala kurdî daye daxistin. Yanî rêvebirên salonê li ser daxwaza wî ala kurdî rakirine.

Hêrçiqas rêvebirên Şanoya Romanî bi daxuyaniyekê ev îdîa red kiribin, gotibin me tiştekî wiha nekiriye, ala kurdî ji berê da tunebû, lê ez dibêjim îdîa rast e. Ya li ser emrê wî, ya jî ji bo xatirê wî berê ala rakirine.

Heger zimanê zarokên culemêrgî û şirneşxî jî bûbe tirkî mesela qediya ye, tirkan em kirine tirk

Kurdekî ji Culemêrgê bi navê ”Babê Mesûd” gotiye ”yek zarokê kurdên hefs jî razane bi kurdî nizanin, hemû bi zarokên xwe ra bi tirkî dipeyivin, dibêjin dema zarok çû dibistanê bira zahmetiyê nekêşe.”

Weleh heger rewş ev be felaketeke mezin e û tirkan ji nuha da em qedandine, em kirine tirk û weselam...

Ferqa keç û dayikên berê û yên nuha

Do min hinekî pesnê dayikên berê da, dayikên me yên xwendin û nivîsandina wan tunebû, yên ne xwedî dîplomeyên zanîngehan bûn, yên ne parlamenter û serokên belediyan bûn, lê serapê kurd bûn û em jî kurd hîştin û min çend xîç jî avêtin ji keç û dayikên nuha da. 

Dayikên berê bi zarokên xwe ra bi tirkî nepeyivîn û ew nekirin tirk

Dayikên me ne xwenda bûn, ne xwedî dîpplomeyên zanîngehan bûn, ne femînîst bûn, xwe zane û mezin nedidîtin, lê belê bi tirkî bi me ra nepeyivîn, em nekirin heyranê tirkî. 

Dayikên me zarokên xwe bi kilam û çîrokên kurdî mezin kirin, ne bi tirkî.

Gava hafiza teze dibe hisekî xweş dide meriv

Gelek kesên min di zaroktî û xortaniya xwe da ew nas dikirin ji bîr kiriye. Hinekên wan ji dûr, hinekên wan ji nêz ve, dû ra hinekên wan dihatin komela me DDKDê û min semîner dida wan. 

Navên piraniya wan ji bîra min çû ye. 

Lê dema di facebookê da rastî navê wan têm hafiza min xwe nuh dike û di cî da tên bîra min.  Diçim kuçe û kolanên Wêranşarê, komela DDKDê û salên xortaniya xwe û sûretên wan yên zoroktiyê, yên xortaniyê tên ber çavên min.

Gava rismên wan yên nuha, yên kalbûyî, porsipî, serzilût dibînim matmayî dimînim, bi xêra rismên wan yên zaroktîyê û xortaniyê wan nas dikim. 

Heger di malpera her yekî da çend rismên wî yên zaroktiyê û xortaniyê tunebe min ew nas nedikirin..

 
Çimkî sîma wan, şikil û şemala wan pir guherîye. 

Îro dîsa min çend kes dîtin, bi xêra navan min ew nas kirin, hatin bîra min. 

Min bala xwe dayê gelekên wan ne te nê di warê fizîkî da guherîne, di warê fikrî da jî bûne tiştekî din, êdî ne ew xortên dema min in, ji bîr û baweriyên min gelkî dûr ketine, wer xuya dikin. Ji hin nivîs û şiroveyên wan min wer fêm kir.

Hemû bi tirkî dinivîsin, dan û stendina hemûyan bi tirkî ye, heger bi kurdî binivîsim ewê bitirsin. 

Belkî nikanin bi kurdê bixwînin jî.

Ji ber malpera min bi kurdî ye û ez bi tirkî nanivîsim, ji wan kes newêre xwe nêzî min bike. Ya jî ji ber nizanin bi kurdî binivîsin şerm dikin.

Lê li gel vê jî dîtina wan hestekî xerîb bi min ra peyda dike, min dibe Wêranşarê û wan rojên berê.

Zaroktî, xortanî, berê xweş bû, em serapê bawerî û hêvî bûn, hedefa me Kurdistaneka azad û yekbûyî bû...

Nuha em bûne çi û ketine çi halî...

Hey gidî dinyayê, Xwedê qeda û bela te dayê…

 XXX

Merivê nezan, cahil çi tê serî bi qederê, bi enînivîsa xwe ve girê dide, dibêje emrê Xwedê ye, qedera min ev e. Xwedê li eniya meriv çi nivîsî be ew tê serê meriv.

Lema jî ji bo guhertina qedera xwe tiştekî nake, dest ji ber xwe berdide û teslîmî "qedera" xwe dibe.

Sebebê bindestiya me ne qeder e, ne emrê Xwedê ye. 

Em îro di bin destê kê da bin, ji alî wan ve bûne bindest, welatê me ji alî wan ve hatiye dagirkirin.

Ji ber wê jî dibê em sûcê tirkan, ereban û farisan nekin hustuyên Xwedê û qederê.

Keç û jin çima ji tirkî pir hez dikin ?

Li gorî 30-40 sal berê kurd pirtir û zûtir asîmîle dibin û her kes jî êdî vê rastiyê qebûl dike.

Di warê asîmîlebûnê û axaftina tirkî da da gurûba, katagoriya herî bêtêr gazin jê tê kirin keç û jin in. 

Hema hema her kes dibêje li gorî lawikan, keçik bêtir asîmîle bûne, ew ji lawikan bêtir bi tirkî dipeyivin.

Dilşadiya qurçimî

Roja pêşî ya zewaca wan bû. Bûkê serê sibê bala xwe dayê zava di nava nivînan da tuneye. Derî hêdîka vekir, mêze kir wa ye mêrê wê sobe dadaye, xurînî hazir kiriye û îşligê xwe utî dike.
Kêfa wê pir ji mêrê wê ra hat, ji xwe ra got wele ez rastî mêrekê qenc hatime û bi kêf û dilşadî dîsa çû ket nava nivînên xwe.

Dar bi fêkiyên xwe xweş e

Dar ne bi çuliyên (pelên)xwe, bi fêkî û kukîlkên xwe xweş e, meriv dibe heyran.

Ez û xanim her roj li dora 2 saetan dimeşin û di gera xwe da tim hin darên nuh dibînin. Herî dawî jî ez rastî van çend daran hatim, min gelkî ji wan hez kir. 

Rûdaw şaşiyê dike û zirarê dide xwe

Kanala Rûdawê her cara li Kurdistanê di nabêna kurdan û Tirkiyê da tiştek diqewime li ku derê tirkekî faşîst û neyarê kurdan hebe dihere bi wî dişêwire, fikrê wî, wan dipirse. Tu dibêjî belkî li Tirkiyê bêyî wan çend faşîst û neyarên kurdan kesên din tunene, here were ew çend faşîst û neyarên qewmê kurd tenê hene, her tim fikrên wan digrin. 

Cehalet meriv zimandirêj dike

Rojnamevanekî tirkê bi navê Lutfu Oflaz gotiye nufûsa misilmanan 1 milyar û 700 milyon e û 63 welatên misilman hene. Lê hilberîna (productiona) 63 welatên misilman bi qasî ya Almanyayê tenê tuneye.

De îcar hesb li ba we ye...

Û serok û alimên misilmanan hîn jî li ber xwe nakevin, hîn jî xwe mezin û xiristiyanan biçûk dibînin.

Erdogan dostên me zêde û karê me rehet kir

Xwedê kir îro li Tirkiyê Erdogan li ser hukim e, ne yekî ji wî biaqiltir e. 

Tiştê Erdogan di nava çend salan da aniye serê dewleta tirk ya pînc û faşîst, karê kurdan rehettir kiriye.

Amerîkayê balona tirkan zû teqand

Plana tirkan ya dagirkirina Kurdistana rojava ma bihareke din, Amerêkayê balona wan zû teqand.

Piştî hewqas fort û zirt ewê fîşekekê jî bera kurdan nedin û kor poşman vegerin mala xwe.

Ev çend roj bûn hewqas zirt dan xwe, hewqas halan di xwe hildan, me jî got belkî îcar rast ewê bêemriya Amerîkayê bikin û êrîşî kurdan bikin.

Em him bûne bela serê kurdên din û him jî bi kêrî tiştekî nayên

Kurdên Kurdistana rojava û başûr di agirê me da, yanî di agirê kurdên Kurdistana bakur da dişewitin, çi tê serê wan ji ruyê kurdên Tirkiyê da ye, em tunebûna tirkan ewê bela xwe di wan nedana. 

Ji bo ku em hene û xwedê giravî doz û dawa Kurdistanê dikin û tirk jî ji vê ditirsin û dibêjin dema li Sûriyê kurd azad bibin, bibin xwedî hukim ewê destegê bidin kurdên Tirkiyê, lema jî êrîşî kurdên rojava dikin, nahêlin ew ji bindestiyê derkevin.

Heta çavê tirkan me bibire ewê bela xwe ji me venekin

Tirk bela xwe ji kurdan venakin, em çi bikin jî, çi bibêjin jî me rehet nahêlin, hedefa wan qirkirina me ye. Dixwazin kurdan wek milet biqedînin, mehû bikin.

Çimkî çavê wan me dibirre. 

Gelo Amerîka li hemberî êrîşa Tirkiyê ewê kurdan biparêze?

Wezîrê Parastinê yê Amerîkayê, Mark Esper

Li gorî medyaya tirk dinivîse mizakereyên di nabêna Amerîkayê û Tirkiyê da li Anqerê du rojan dom kirin bêyî ku netîceyekê bidin qediyaye.

Wezîrê Parastinê yê Amerîkayê Mark Esper gotiye, “Amerîka li dijî êrîşa Tirkiyê ya yekalî ye, êrîşeke wiha nayê qebûlkirin û tu niyeteke me nîne em dest ji wan (alîkariya QSDê) berdin...” 

Nimêja sibê

Diya Gulçînê yeka hinekî di nêmêj û niyaza xwe da bû û dixwest keça wê Gulçîn jî wek wê nimêjkar be. 

Lema Her sibe bi berbangê ra Gulçîna feqîr ji xewa şîrîn şiyar dikir, digot rabe du rikat nimêja xwe bike. Rojekê dîsa Gulçîn ji xew şiyar kir û got:

Tirk dişibin pepûkê

Pepûk

Bi daxwaza "herêma ewle" hedefa Tirkiyê dagirkirina hemû Kurdistana rojava ye. 

Tirkiye ne tenê dixwaze hemû Kurdistana rojava wek Efrînê dagir bike, bi wê ra dixwaze hemû kurdan jî ji wir derxe û 3-4 milyon ereb û çeteyên Daîşê yên uygur û kafkasî yên nuha di bin destê Tirkiyê da ne li wir bi cî bike. 

Yanî him dagirkerî û him jî jenosîd.

Min heta nuha baranek wiha nedîtibû

Îro barana dinyayê li çoleke Xwedê saetekê bi ser min û xanimê da barî. 

Te digot belkî asîman qelişiye, bi kûzan baran ji asîmanan bi ser me da dihat xwar. 

Baraneke hewqasî bi zirp û him jî herî kêm saetekê dom kir, qet nayê bîra min.

Tiştmiştên di defterên kevn da

Gotinek heye, dibêjin cihûyê(yahûdiyê)bêpere dimîne defterên xwe yên kevn tevradike. 

Yê min jî bûye ev mesele. Çend roj berê min nivîsî, wê rojê di arşîva xwe da ez rastî gelek tiştan hatim, heta ji min were ezê hinên wan peyder pey biweşînim.

Li ser du gotinên şaş

Bi kurmancî meriv tu carî nabêje ”li xweşiya min tê, xweşiya min tê, ya jî li xweşiya min çû”, heger bibêje çewt e.

Lê hin kurd dibêjin. Û ev gotin di nava kurdan da wek nexweşiyeke têger, nexweşiyeke di meriv digere roj bi roj belav dibe.

Yekî di twîtteka xwe da gotiye  efendim ”qurebûna wan xweşiya min tê”!

Edebiyat, ziman û milet

Her miletek xwedî edebiyatekê ye. Miletê bê edebiyat tuneye.

Edebiyat jî bi zimên dibe. Huner, marîfet, zîrekî, mezinahî, şan, şeref, qabîlîyet, gernasî, mîzah yanî her tiştê miletekî, hemû kultura wî di edebiyata wî da ye.

 
Û ew jî bi zimên dibe, zimanê miletekî çi be, edebiyata wî jî ya wî zimanî ye.

Xelkê giliyê min bi Twîtterê kiriye

Yekî giliyê min bi twîttê kiriye. Twîttê do bi teksta jêr ez agahdar kirim.

“Li kontoya te, @Zxamote gilî hatiye kirin. Teksta gilî lê hatiye kirin ev e:

Îro di arşîva xwe da rastî gelek tiştên muhîm hatim

Îro ji acizî ez dageriyam embara(mezxena)me û min çend dosye û klasorên arşîva xwe tevrada.

 
Min bala xwe dayê bi sedan nivîs, name, risim û gelek tiştên din di arşîva min da hene. 

Notên şexsî, nivîs, şiîr, werger, heyranok, gotinên pêşiyan, nameyên dost û hevalan û yên malbatî ne. Hinek jî nameyên di dema rojnameya Armancê da ji min ra û ji Armancê ra hatine şandin û min jî bersîvên wan daye.

Emê jenosîsa Şengalê û fermana êzdiyan tu carî ji bîr nekin !

Îro 5 saliya Jenosîda Şengalê ye. Pênc sal berê di 3ê tebaxa 2014a da çeteyên ereb û qatilên Daîşê yên îslamî girtin ser Şengalê, herî kêm 7 hezar jin, keç û zarokên êzdî êsîr girtin û bi hezaran jî kurdên êzdî jî bi hovane kuştin.

Dinyayê li vê jenosîsîdê temaşe kir.

Dilo qet xeman nexwe

Dilo qet xemgîn û poşman nebe
rêya te rast e
hinekî din bişewite
hinekî din hez bike
hinekî din biweste

Bira yek jî ji sûniyan bimre

Li gundekî elewiyan şerek çê bûbû. Rojnamevan ji bo bûyerê baş fêr bibe bi gundiyan ra dipeyivî, tişt mişt ji wan dipirsî. Bala xwe dayê jinekek bi navê Emer(Omer)ban lawê xwe dike, dibêje:
-Lawê min Emer vir da, Emer wê da...
Rojnamevan ev yek meraq kir, ji jinikê pirsî:

Modela Rojhilata Navîn êdî kurd in !

Akademîsîyesn, nivîskar û rojnamevan Mehmet Altan di cotmeha 2014a da di malpera T24 da li ser liberxwedana Kobanê  û şerê gernas û şepalên Kobanê nivîseke pir xweş û tarîxî nivîsiye. 

Nivîs min nuh dît û hin beşên wê wergerand kurmancî. Min got dibê ev nivîs bi kurdî jî hebe, kurdên bi tirkî nizanin jî dibê vê nivîsê bixwînin. 

Li ser liberxwedana Kobanê û bi taybetî jî li ser qehremeniya xezalên, keçên çavbelek û gulîsoran analîzeke xweş, hêja û tarîxî ye.

Birîna tiliyê...

Temiyek li hemû dost û hevalan û li hemû kalan...

Heger hûn dixwazin li mal destê xwe di ava sar û germ da nekin.

Heger hûn dixwazin her roj feraxan, tawê û beroşê neşon.

Heger hûn dixwazin hundur şirt nekin, nivînan top nekin.

Heger hûn dixwazin pîvazan hûr nekin û hêsiran nebarînin.

Tirkiye hemû haziriyên xwe bi bo şerê bi kurdan dike

Tirkiye ji bahrê û ji reşayiyê bi 8 welatan ra Bûlgarîstan, Yûnanîstan, Qibris, Sûriye, Îraq, Îran, Êrmenîstan û Gurcîstanê ra cîran e û bi van welatan hemûyan ra jî nabêna wê ne baş e.

Tirk miletekî irqçî, pan-tirkîst û şerûd e, lema jî têkiliyên Tirkiyê bi hemû cîranên wê ra xerab e. 

Tirkiye û Îran bi hev ra koçberan kom dikin û dişînin Ewrûpayê

Îran û Tirkiye bi milyonan koçberan dişînin Ewrûpayê ji bo ku ji Ewrûpayê ra gelşan peyda bikin. 

Şandina bi milyonan koçber li hemberî Ewrûpayê şerekî Daîşê, îslamîstan, Tirkiyê û Îranê yê bi dizî ye. 

Îslamîst, Tirkiye û Îran bi vê riyê dixwazin li Ewrûpayê kaosê peyda bikin.