Tirkiyê ji ber sitrana li ser Amedsporê hesabê zarokekî kurdê 11 salî girt

Zarokekî kurd ê 11 salî bi navê Rohan Sefo, li ser Amedsporê sitraneke bi navê "Lêxe Amedspor" çêkiriye. Li Tirkiyê hesabê wî yê medyaya sosyal hatiye astengkirin. Tirk ji vê sitrana Rohan pir aciz bûne, hesabê wî bloqe kirine.

"Demokrasîya" tirkan hewqas e, qebûl nake zarokekî 11 salî pesnê Amedsporê bide. Ev dewlet tehamul nake zarokekî me li ser tîmeke kurd sitranekê bibêje.

Heger Rohan ev sitran ne li ser Amedsporê, li ser taximekî tirkan çêkiriba, ewê ew bi asîmanan xistana, telewîzyonên tirk ewê ew ji dest hev birevandana, Rohan Sefoyê biba îdolekî mezin !

Lê ji ber ku sitrana wî bi kurmancî ye û li ser tîmeke Kurdistanê ye hesabê wî asteng kirine. Gerek kurd baş bizanibin ev vê dewlet çiqasî neyarê wan e.

XXX

10 sal berê, roja teqawit bûm. Min dîyariyên xwe yên ciyê kar û hevalên kar dabûn min anîye malê û ev fotograf li mitpaxa me girtiye. Êdî jiyaneka nuh, rojên ne wek yên berê dest pê dike. Min nedît10 sal çawa derbas bû !

Wê demê ez ciwan im, wek îro kal nebûme.

XXX

Îro li Rihayê seet di 10:40î da erdhejeke bi hêza 5,4 pileyî çêbûye.

Erdhejeke bi pileya 5,4 ne pir e, lê ji bo Kurdistanê pir e û kane zirarên dabe avahîyan hebin.

Tesîra xwe li bajarê min Wêranşarê, li Swêregê û hin qezayên Rihayê yên din jî nîşan daye.

Li gorî agahiya AFADê kûrahiya erdhejê 7,39 kîlometre bûye. Heta nuha di heqê zirarên madî û canî da tu agahî tune. Hêvî dikim zirarên canî tunebin.

XXX

Xebereke ez pir pê kêfxweş bûm. Li paytexta Çînê, li zanîngeheke Pekînê, beşa zimanê kurdî(soranî)vebû. Perwerdeyê bi 11 xwendekaran dest pê kiriye. Dibêjin jimara xwendekaran ewê zêde bibe.

Du mamoste çînî ne, yek jî kurd e.

Hêvî dikim beşê kurmancî jî vebe û li zanîngeheke Kurdistanê jî beşa çînî vebe. Dibê kurd jî fêrî çînî bibin.

XXX

Yucel Asalan kurdekî welatperwere e, evîndarê welat û zimanê xwe ye. Di vê vîdeoya xwe da dibêje 5-6 sal berê birayê wî Erdal Aslan û çend hevalên wî ji nav refên PKKê revîya ne, ketine destê hêzên pêşmerge û ji wê çaxê da ye ji wan tu xber tune ye.

Ew dixwaze birêz Mesûd Barzanî di heqê birayê wî û hevalên wî da bersîvekê bide wî.

Gelo Erdal Aslan û hevalên wî bi rastî ketine destên hêzên pêşmerge ya ev îdîa ne rast e, tiştekî wiha tune ye.

Ev agahîya PKKê daye wan kane ne rast be.

Berpirsiyarên PDKê kanin li ser vê meselê bersîvekê bidin wan. Gelo bi rastî Erdal Aslan û hevalên wî ketine destên hêzên pêşmerge ya jî ev îdîa ne rast e!

Bi bawerîya min, dibê PDK vê rica vî xortê welatparêz bêbersîv nehêle, bersîvekê bidê.

Hêvî dikim PDK vê rica Yucel Aslan, vî welatparêzê kurd bêbersîv nehêle.