Çerxa felekê geh li jêr e, geh li jor e

Dijminên me îro ji me xurttir in, em nikanin ji welatê xwe biqewitînin. Ji bo ku îro em nikanin bi dijmin, dibê em xwe nekujin, û bêhêvî jî nebin.

Micadele berdewam e. Ya muhîm em serê xwe natewînin, dev ji doza xwe, dev ji micadela xwe bernadin.
Li dinyayê tu tişt, hêzên dewletan jî tim wek xwe namîne. Îro ew ji me xurttir in, sibe ev rewş kane biguhere. Tu tişt wek xwe namîne, her tişt diguhere.

Dinya bi dor e, çerxa felekê digere, geh li jêr e, geh li jor e.
Di wexta xwe da Mussolînî, Hîtler, Franco, Şahê Îranê, Seddam Husên jî xurt bûn. Lê em zanin talîya wan çawa qediya.

XXX

Mahkimeyeke tirk ji ber sitrana ”Serîhildan jiyan e” selek û 15 roj cezayê hefsê daye perwerdekarê ”Komeleya Çanda Serhedê” Cesîm Başboga.

Di vê sedsalê da cezakirina însanan ji bo sitranekê tiştekî pir şerm, pir prîmîtîv e. Lê dagirkerên me şerm nakin, muzîkê jî ceza dikin.

XXX

Piraniya nufûsa Tirkiyê ne tirk e, mahcirên kafkasî û balkanî ne. Lê dev ji eslê xwe berdane, dibêjin em tirk in.

Îcar ji bo ku kurd jî wek wan nebûne tirk bi wan pir zor û çetin tê.

Micadela kurdan, liberxwedana kurdan teslîmîyeta wan, bêşexsîyetiya wan tîne bîra wan û ji bo ku ew jî wek kurdan li nasnameya xwe xwedî dernayên ji kurdan didexisin, neyartiya kurdan dikin.

Ji kurdan ra dibêjin hûn jî wek me bibin tirk.

Miletê kurd miletekî esîl e, teslîm nabe, bi micadela xwe ji her kesî ra dibe numûneya serbilindiyê.