Tiştê hindiyan fêm kirine me hîn fêm nekriye

 

Dobi şev di kanala zanyariyê da(kunskap kanalen)min li fîlmekî dokumenter ê li ser Hindistanê temaşe kir. 

Dokumenter li ser tesîra dîn, nasyonalîzmê û hîndûîzmê bû. 

Profesorekî hindî ji yê rojnamevan ra got, di 1947a da piştî Hindistan ji bin kolonyalîzma îngilîzan xelas bû, di nav zanayên hindiyan da minaqaşeyekê dest pê kir, gotin nufûseke hewqasî mezin çima hewqas sal(ji destpêka 1600î heta 1947a)kolonîya îngilîzan ma, hindiyan çima nikanîbûn zûtir xwe xelas bikirana?

Got piştî gelek lêkolînan me fêm kir sebeb em hindî ne yek milet bûn, yekîtiya me tunebû, di gelek waran da em perçe perçeyî bûn. Lema jî îngilîzan kanîbû bi rehetî me bindest bihêlin. Ji bo wê jî piştî serxwebûnê hindîyan zor dan xurtkirina nasyonalîzma hindûîzmê. Nasyonalîzmê miletê hindî çê kir. Nuha miletekî hindî heye.

Min ji xanima xwe ra got, rewşa me kurdan jî ev e, ji bo ku di nav me da nasyonalîzm zeîf e yekîtiya me çê nabe. Heger kurd nasyonalîst bûna yekîtî rehet bû. 

Heta di nava me da nasyonalîzma kurdî xurt nebe yekîtî çê nabe, kurdên perçe perçeyî bin, hinekên hevalên neyar bin, hinekê jî azadîxwaz bin.

XXX

CNN Turkê gotiye 300 "terorîstên" PKKê/YPGê bi otobozan çûne Êrmenîstanê û şerê azeriyan dikin.

Medyaya tirk him kûreya derewa ye, him jî pir rezîl û bêheya ye.

Her dîktator dixwaze medya di lehê wî da derewan bike. Lê ya medyaya tirk mal ji berê da xerab e, exlaq sifir e.

Lê negotine otobozên wan ji ku hereket kirine di ku ra çûne, yanî guzergeha wan bi dizî hîştine, diyar nekirine.

Ev bêbavan mîtoman him derewên bi boçik û bi şirik û bi xuronek dikin û him jî cî nadin derewên xwe.

Pir bêşexsîyet in, qet li ber xwe nakevin.