Tirk li hemû bajarên tirkan êrîşî kurdên HDPê dikin, avahiyên HDPê dişewitînin, bi hezaran wek gurên har, bi daran, bi kêr û satoran dajon ser kurdan, dixwazin wan lînc bikin. Wek gurên har dizûrin, girêz ji devê wan diherike.
Hukûmet bêdeng e, teşwîk dike, pûlis li êrîşkaran temaşe dike, hemû partiyên tirk bêdeng in.
Çep û rastên tirk, dîndarên tirk, demokratên tirk, miletê tirk, ronakbîrên tirk axir yên ku xwedêgiravî ”mitefikê” kurdan e bêdeng in.
Li hemberî êrîşkaran tiştekî nakin, tiştekî nabêjin. Tenê li lînckirina kurdan temaşe dikin…
Zewac bi daxwaza aliyekî nabe, dibê herdu alî jiyaneke bi hev ra bixwazin. Dema yek bixwaze û yek nexwaze çare cihêbûn e, hevduberdan e.
Ji sedî nodûnehê tirkan ji me hez nakin, ji me nefret dikin, naxwazin em xwediyên eynî mafan bin. Dixwazin ew serdest û em jî bindest bin.
Lema jî israra hevkarî û jiyana bi tirkan ra şaş e, vala ye, hemberiya wê tuneye, yek alî ye, kurd dixwazin lê tirk naxwazin. Dibê ev rastî were dîtin. Ya rast em li welatê xwe, ew li welatê xwe.
Ev meheke li 60 deran tirkan êrîşî kurdan kirin, heta nuha yek êrîşkar jî nehatiye girtin.
Lê bi dehan kurd girtine. Di dema êrîşan da pûlis jî bi êrîşkaran ra li kurdan dixe.
Ev jî nîşan dide ku ne dewlet û hukûmet tenê, miletê tirk jî neyartiya kurdan dike, naxwazin bi kurdan ra bijîn. "Welatê mişterek" çîrokek vala û bêbingeh e, dibê em xwe naxapînin.
Dibê siyasetmedarên kurd vê rastiyê bibîne û gelê xwe zêde nede pelçiqandin, dev ji çîroka ”biratiya tirkan” û ”demokratîk cumhûriyetê”, hevkariya bi tirkan ra berde û di nava gelê xwe da siyasetê bike. Li gorî îmkan û rastiya civat û welatê xwe gavan bavêje
Heqê tu kesî tuneye vî miletî hewaqsî bide pelçiqandin, bibe sebebê vê teror û zulma tirkan.
Ez êrîş û terora tirkan ya ser kurdan, ya ser HDPê bi şîdet protesto dikim.
Bijî hevakrî û biratiye kurdan.
Na ji hevkariya bi çep û rastê tirk ra…
Inga kommentarer:
Skicka en kommentar