Dibê em xwedî xeyal bin

Bê xeyal
jiyan vala ye heval...
Gerek em kurd,
bi çûk mezin,
kal û pîr
zengîn û feqîr
hemû xwedî xeyal bin
xeyalên dûr,
xeyalên nêzik
xeyalên mezin,
xeyalên biçûk
xeyalên azadiyê
xeyalên rizgariyê
dibê tim di serê me da be
Jiyan xeyal e birayê delal,
xeyal tunebe jiyan vik û vala ye
bindestî ebedî ye
Hemû xeyal destpêkê nemimkûn xuya ne
lê heger ezm û bawerî hebe
xeyala bi rast negere tuneye
dilê bêxeyal dilekî mirî ye
”berê xeyal dimre, dû ra însan.”
ji bo em nemrin
ji bo em bibînin rojên xweş
gerek em serapê bi hêvî bin
û serê me mişt be ji xeyalên geş
rizgarî,
azadî xweş e
lê jê ra xeyal û xebat lazim e