Hin peyv hene ne bersîvê, kufriyeke xweşik heq dikin…

Carnan hin însan kufriyan(xeberan, dijûnan, sixêfan)heq dikin, ji dêlî bersîvê meriv dixwaze kufriyeke bi şirik û şîrîn jê ra bike.
Lê nabe, di vê rûpelê da ne ez ji kesî ra kufriyan dikim û ne jî dihêlim kes ji kesî ra bike.
Bes hin kes hene bi rastî jî kufriyên pir di cî da û pir xweş û pir bi hostayî dikin. Heger min zanîbûya ewê nebe sebebê adeteke xerab minê carnan rê li ber wan kesan negirta.
Wek tê zanîn wek nuktedaniyê kufurbazî jî ne karê her kesî ye, ji kurfurbaziyê ra jî hostayî û kultureke kûr lazim e.
Hin kes kufriyên pir xweş dikin, kufriyên di cî da, kufriyên bi wezin û bi kafiye dikin. Ne kufriyênn berradayî û heqaretên şexsî. Meriv dixwaze bibêje erê weleh…
Wek meriv helbestekê bixwîne…
Lê cî ne misaîd e, lema jî ez rê nadimê…
Bes li gel vê jî carnan dixwazim dilê xwe rehet bikim, çimkî hin peyv hene ne bersîvê, tenê kufriyeke bi şirik heq dikin…

XXX
Heta ku em wiha bindest û bêdewlet bin xelkê tim serê me jê ke û tecawizî jinên me bike.
Û ev ne tiştekî nuh e jî, ji berê û ber da halê me ev e.

XXX
Kenan Evren li ber mirinê ye, rakirine acîlê. Bêvab bûye pisika heftruh namire.
Hemşeriyê min Hadî Kuranlioglu di heqê vî zebaniyê boşnak da xweş gotiye:

“Tu melek naxwaze ruhê vî qatilî bigre. Ji bo ku nebîne em baraja wî daniye derbas dikin dixwaze bimre. Kî yê li pey wî xemgîn bibe ez nizanim, lê belê ez gelek kesên tuyî gorra wî bikin û bi ser da bimîzin nas dikim…”
Kurd çi bikin heqê wan e...