Devlet Bahçelî gotiye bira Ocalan were li meclîsê bibêje em teslîm dibin !

Serokê MHP´ê Devlet Bahçelî gotiye ”bira serokê terorê Abdulah Ocalan were li meclîsê, di civîna DEM´ê da bibêje em teslîm dibin, em dawîyê li terorê tînin, PKK´ê jî lewx dikin”, hin kes hin maneyên bêbingeh ji vê banga Bahçelî ya teslîbbûnê derdixînin.

Bahçelî ji berê da ye dibêje dev ji doza azadiyê, navê Kurdistanê berdin, daxwaza mafên kolektîf nekin, bibêjin em tu mafekî netewî naxwazxin, xwe teslîmî edaleta me bikin.
Çareserî ev e. Gava hûn viya bikin mesele diqede.

Devlet Bahçelî di vê axaftina xwe da jî ev dîtinên xwe dubare kiriye, tiştekî nuh negotiye, soza mefekî herî biçûk jî nedaye. Heta negotiye emê zimanê we jî perwerdeyê. Mêrik eşkere gotiye:

”Bira serokê terorê dawî li terorê bîne, PKK´ê lewx bike, bira were viya di meclîsê da bibêje.”

”Dema serokê terorê anîn Tirkiyê got ez ji bo her xizmetê amade me. Bira kerem bike, yekalî îlan bike, bibêje teror qediya ye, rêxistin hatiye tasfîyekirin.”

”Bira were li Meclîsê, di cîvîna gurûba DEM´ê da bipeyive. Bira bibêje teror bi temamî qediya ye, rêxistin hatiye lewxkirin. Bira vê dîrayetê nîşan bide.”

”Lê çareseriyeke kolektîv û li ser nasnameya etnîkî xeteriyeke mezin e.
Li Tirkiyê pirsgirêka kurd tune ye, pirsgirêka terorê ya cudakir heye.”

Eger merivv bêje li Tirkiyê pirsa kurd heye ev propagandaya sexte ye, gotinên derew e, kesên li hêviya wêrankariyê û destikên emperyalîstên gerdûnî ye.”

”Tirkiyeyê tu carî polîtîkaya asîmîlasyonê ji xwe re nekiriye armanc û qebûl nekiriye.”

Min li jor çend numûne ji axaftina Devlet Bahçelî girt. Di kîjan gotina wî da îşareta diyalogê û dana mafekî herî biçûk heye?

Mêrik dibêje li Tirkiyê mesela kurd tune ye, em ji bo kurdan tu carî dana mafekî kolektîf qebûl nakin, daxwazeke wiha perçebûna Tirkiyê ye û tiliya emeperyalîstan di vê daxwazê da heye.

Li Tirkiyê problem teror e, mesela kurd murd tune ye. Bira serokê terorîstan teslîmbûna xwe îlan bike, PKKê fesh bike, wê demê mesele diqede.

Vê teslîmîyetê kane li meclîsa me jî bibêje, emê vê destûrê jî bidin wî.
Teslîmîyet teslîmîyet e, li meclîsê were gotin çi ferq dike?

Yanî ji ber ku li meclîsê ye dibê meriv bibêje baş e, jê ra li çepikan xîne?

Îcar îşareta baş di ku dera vê axaftina Bahçelî da ye ez fêm nakim.

Tirk tim dibêjin dev ji daxwaza mafên netewî yên kolektîv berdin mesele diqede. Bahçelî jî ew gotiye.