Xwedê kir dewleteke cihûyan heye

Cihûyên li Tirkiyê piştî banga Îsraîl ji Tirkiyê direvin, vedigerin welatê xwe.

Tirkiye ne îro tenê, tu carî ji cihûyan(yahûdiyan) û ji amerîkiyan ra nebûye cî û warekî ewle.

Tirk, hukûmetên wan her tim bi çavê neyar li cihûyan û li amerîkiyan dinêrin.

Îsraîl, Amerîka çi çêyiyê bi Tirkiyê bikin jî bêfêde ye, ji bo tirkan dîsa jî ew neyar in.

Çimkî her welatê wek Tirkiyê neyartiya kurdan neke ji bo Tirkiyê û li ber çavên tirkan ew welatekî dijmin e.

Lê ne Tirkiye tenê, li her welatê îslamî cihû nêçîra misilman in, gava dilê wan xwestiye wek gurên har çûne ser cihûyan, ew kuştine û bi çolan xistine. 

Xwedê kir dewleteke cihûyan heye, di rojên teng da wan diparêze. Aqûbet li serê me jî. Miletê bêdewlet wek şervanê, leşkerê destvala ye.

Em kurd miletekî bêdewlet, bêkes û bêpişt in, lema jî em tim nêçîra gur û hiçan in. Tirk, faris û ereb gava xwestine em kuştine, em bi çolan xistine.

XXX
Saetekê hurobî ye, bi salan rezîlî ye. Hemasê bi êrîşa xwe ya 17ê mehê kir helahela, li Xezayê, di nav erb û misilmanan da bû hurobî, bû kêf û şahî. 

Lê dawî bû perîşanî, rezîlî, malwêranî. Bi hezaran însan hatin kuştin, bi hezaran perîşan bûn, bi çolan ketin.

Dibê meriv destê xwe mala xwe neşewitîne. Hemasê ji ber îdeolojiya xwe ya antîsemîst filistînî perîşan kirin, dibê flistînî ji xwe ji tevgerên îslamî xelas bikin.